Araba Euskaraz

Araba Euskaraz 2006ko ekitaldia, Armentian (Gasteiz)

Oiongo Araba Euskaraz 2009ko Gartxoak

Araba Euskaraz Arabako ikastolen jaia da. Ikastolen Elkarteak urtero ospatzen du ekainaren erdialdean. 2009an antolatu zuten 29. edizioa.

Euskararen erabilpena Araba osoan bultzatzea du helburu jai honek, baita ikastolen azpiegiturak hobetzen lagunduko duen dirua lortzea, urtero ikastola arabatar batek antolatuta.

Ospakizuna zirkuito baten inguruan antolatzen da, non publikoari zuzendutako hainbat ekintza burutzen diren (kontzertuak, bertso-saioak, eta abar).

1981ean Gasteizen antolatu zen lehen aldiz.

Edizio guztiak

• 1981 - Olarizu, Gasteiz (Araba Zazpi talde-bat euskararen alde lelopean).
• 1982 - Mendizorrotza, Gasteiz (Irakaskuntza publikoa: Euskara denontzat lelopean).
• 1983 - Laudio.
• 1984 - Oion.
• 1985 - Agurain.
• 1986 - Amurrio (Araban bultza euskararen martxa lelopean).
• 1987 - Kanpezu.
• 1988 - Izarra (Lurra goldatu, euskara loratu lelopean).
• 1989 - Bastida.
• 1990 - Abetxuku (Ikastolan arin arin, euskara zabal dadin lelopean).
• 1991 - Armentia, Gasteiz (Euskara bizia; ikastola, hazia lelopean).
• 1992 - Armentia, Gasteiz (Ikastolan geurea lantzen lelopean).
• 1993 - Laudio (Etorkizuna euskaraz! lelopean).
• 1994 - Lapuebla Labarka (Non eta mugan lelopean).
• 1995 - Gasteiz (Baietz atera! lelopean).
• 1996 - Amurrio (Euskara guztiona lelopean).
• 1997 - Oion (Gorabidean lelopean).
• 1998 - Araia-Zalduondo (Orain dugu garaia lelopean).
• 1999 - Lapuebla Labarka (Uztaz uzta, alez ale lelopean).
• 2000 - Laudio (Txikia zainduz handitu lelopean).
• 2001 - Argantzun (Hazteko erein lelopean).
• 2002 - Zigoitia (Gure erronka lelopean).
• 2003 - Oion (Oro bil borobil lelopean).
• 2004 - Bastida (Uzta hartu, uztartuaz lelopean).
• 2005 - Amurrio (Ekiozu bideari lelopean).
• 2006 - Armentia, Gasteiz (Barruan daramagu lelopean).
• 2007 - Argantzun (Garenaren jostun lelopean).
• 2008 - Bastida (Ametsak dirau lelopean).
• 2009 - Oion (Hauspoari eraginez lelopean).
• 2010 - Agurain (Gogo biziz lelopean).
• 2011 - Laudio (Izan zirelako gara, garelako izango dira lelopean).
• 2012 - Bastida (Barneratu, Barreiatu lelopean).

Beste jai batzuk

Euskararen aldeko beste jai batzuk:

• "Ibilaldia" (Bizkaian).
• "Nafarroa Oinez" (Nafarroan).
• "Herri Urrats" (Iparraldean).
• "Kilometroak" (Gipuzkoan).

Kanpo loturak

• (Euskaraz) Araba Euskaraz