Arabako Batzar Nagusiak

Arabakao Biltzar Nagusiak Juntas Generales de Álava
IX.. legealdia
Mota
Mota	Foru lurraldeko ganbera
Zuzendaritza
Lehendakaria	Juan Antonio Zárate, PP 2007-tik
Osaketa
Kideak	51
Alderdi politikoak	PP, EAJ, Bildu, PSE-EE, EB-B
Hauteskundeak
Azken hauteskundeak	2011
Biltzar lekua
Bizente Goikoetxea kalea 2, Gasteiz
Webgunea
Webgune ofiziala

Arabako Batzar Nagusiak (ofizialki euskaraz Arabako Biltzar Nagusiak) euskal foru lurralde historiko honen legebiltzar eta organo-legegile nagusia dira. Gasteizen dute egoitza nagusia, Bizente Goikoetxea kaleko 2. zenbakidun etxean. Hala ere, bilkura-aretoa Arabako Foru Aldundiaren eraikinean dute.

Historia

Biltzar Nagusien historia hiru aro nagusitan banatzen da, XIII. mendeko Arriagako Kofradiaren aurrekariaren ostean: Lehenengo aroa XV. mendean izandako sorreratik 1876 arte, lehenengo aldiz bertan behera utzi zituzten arte alegia. Lehenengo garai horretan izendatu zuten Mateo Moraza "Probintziako Aita", 1862an, hain zuzen ere.

Bigarrenak XX. mendeko zatirik handiena hartzen du, eta nagusiki izaera sinboliko edo zeremoniala eduki zuen.

Hirugarren eta azkena Espainiar Trantsizioa delakotik gaur egun arte luzatzen da.

Zereginak

Arabako Batzar Nagusien egoitza ez bada ere, Arabako Foru Aldundiaren eraikina da bilkurak egiteko lekua.

• Arabako Foru Aldundiaren kontrola egitea.
• Ahaldun edo Diputatu nagusia aukeratzea.
• Foru arauak bideratzea.
• Lurralde historikoaren aurrekontuak onartzea.

Osaketa

51 batzarkide edo biltzarkidek osatzen dute Arabako legebiltzarra, kuadrilla edo eskualdeen arabera aukeratuta: Gasteizko Kuadrillak 38, Aiarako Kuadrillak 6 eta Lur Jareak edo gainontzeko 5 kuadrillek (Arabar Errioxa, Agurain, Zuia, Añana eta Kanpezu) 7 biltzarkide ematen dituzte.

2011-2015eko legegintzaldian horrela banatzen dira:

Arabako aldundia
Alderdia	Eserlekuak	Boto kopurua
Alderdi Popularra (PP)	16	39.631 (%26,69)
Euzko Alderdi Jeltzalea (EAJ)	13	36.196 (%24,38)
Bildu	11	31.998 (%21,55)
Euskadiko Alderdi Sozialista (PSE-EE(PSOE))	9	24.879 (%16,76)
Ezker Batua - Berdeak (EB-B)	2	6.258 (%4,22)
Aralar	-	4.168 (%2,81)

Mahaia

• Lehendakaria - Juan Antonio Zárate (PP)
• Lehen lehendakariordea - Eva Jiménez (PSE-EE)
• Bigarren lehendakariordea - Pedro Elosegi (EAJ)
• Idazkariak - Mertxe Etxezarreta (EB-B) eta Elena Lopez de Lacalle (Bildu)

Arabako Batzar Nagusietako lehendakariak

Legegintzaldia	Lehendakaria	Alderdia
I. (1979-1983)	Patxi Ormazabal Zamakona (1980an)	EAJ
II. (1983-1987)	Patxi Ormazabal Zamakona (kargua utzi zuen 1986an)	EAJ
	Juan Jose Ibarretxe Markuartu (1986an)	EAJ
III. (1987-1991)	Juan Jose Ibarretxe Markuartu	EAJ
IV. (1991-1995)	Juan Pastor Alvarez	PSE
V. (1995-1999)	Jose Manuel Lopez de Juan-Abad Fernandez de Labastida (hila 1999an)	EAJ
	Mikel Martinez Martinez de Lizardui (1999an)	EAJ
VI. (1999-2003)	Xesqui Castañer Lopez	PSE-EE
VII. (2003-2007)	Maria Teresa Rodriguez Barahona	PSE-EE
VIII. (2007-2011)	Juan Antonio Zárate Pérez de Arriluzea	PP
IX. (2011-2015)	Juan Antonio Zárate Pérez de Arriluzea	PP

Aurreko emaitzak

2007-2011 legegintzaldia

Arabako aldundia
Alderdia	Eserlekuak	Boto kopurua
Alderdi Popularra (PP)	15	39.765 (%26,41)
Euskadiko Alderdi Sozialista (PSE-EE(PSOE))	14	39.596 (%26,29)
Euzko Alderdi Jeltzalea (EAJ)	14	39.055 (%25,93)
Eusko Abertzale Ekintza (EAE)	4	13.151 (%8,73)
EB-Aralar	2	10.201 (%6,77)
Eusko Alkartasuna (EA)	2	8.692 (%5,77)

Hauteskundeen ondoren bazirudien PPko hautagaia, Javier de Andrés, edo PSE-EEkoa, Txarli Prieto izango zela Ahaldun Nagusi, horiek baitziren boto gehien eskuratu zituzten bi alderdiak. EAJ alderdiak ere bere hautagaia aurkeztu zuen, Xabier Agirre Lopez. Inbestidura eguna baino lehen, Prietok esan zuen Ahaldun Nagusi izateko nahiko sostengu zuela Ezker Batua - Berdeak eta Aralar osatu zuten koalizioaren 2 ordezkarien aldetik. Haatik, bozketa eguna iritsi zenean, Aralarreko ordezkaria abstenitu egin zen, eta Xabier Agirrek EAren botoak jaso zituen. Horrela, azken hau izendatu zuten Ahaldun Nagusi 16 botorekin; Javier de Andrések bere alderdiaren 15 boto jaso zituen, eta Txarli Prietok bere alderdiaren eta Ezker Batuaren 15 boto.

Hauteskunde hauetan EAE alderdiak Lur Jareetan eta Gasteizen soilik aurkeztu ahal zituen zerrendak, Araiako zerrenda baliogabetu egin baitzuen Espainiako Auzitegi Konstituzionalak.

2003-2007 legegintzaldia

• EAJ-EA: 19 batzarkide
• PP: 16 batzarkide
• PSE-EE: 12 batzarkide
• EB: 3 batzarkide
• UA: batzarkide 1

Ezker Abertzaleak babestutako Autodeterminaziorako Bilgunea hautez zerrenda legez kanporatua izan zen. Hala ere, plataforma horretako kideek euren aldeko boto ematera deitu zuten, nahiz eta ofizialki boto hori nulutzat hartu zen.

1999-2003 legegintzaldia

• PP: 16 batzarkide
• EAJ-EA: 16 batzarkide
• PSE-EE: 9 batzarkide
• EH: 6 batzarkide
• UA: 2 batzarkide
• EB: 2 batzarkide

1995-1999 legegintzaldia

• EAJ: 15 batzarkide
• PP: 9 batzarkide
• UA: 9 batzarkide
• PSE-EE: 7 batzarkide
• HB: 4 batzarkide
• EA: 4 batzarkide
• EB: 3 batzarkide

1991-1995 legegintzaldia

• EAJ: 14 batzarkide
• UA: 11 batzarkide
• PSE: 11 batzarkide
• HB: 7 batzarkide
• PP: 3 batzarkide
• EA: 3 batzarkide
• EE: 2 batzarkide

1987-1991 legegintzaldia

• EA: 12 batzarkide
• PSE: 11 batzarkide
• EAJ: 10 batzarkide
• HB: 8 batzarkide
• AP: 4 batzarkide
• EE: 3 batzarkide
• CDS: 3 batzarkide

1983-1987 legegintzaldia

• EAJ: 23 batzarkide
• PSE: 14 batzarkide
• AP-PDP-UL: 9 batzarkide
• HB: 4 batzarkide
• EE: batzarkide 1

1979-1983 legegintzaldia

• EAJ: 26 batzarkide
• UCD: 14 batzarkide
• PSE: 7 batzarkide
• Gasteizko independienteak: 3 batzarkide
• Laudioko independienteak (Gure Aukera) : 3 batzarkide
• Amurrioko independienteak (Amurrioko Aukera): 2 batzarkide
• Aguraingo independienteak: batzarkide 1
• Oka Iruñako independienteak: batzarkide 1

Ikus, gainera

• Arabako Foru Aldundia
• Bizkaiko Batzar Nagusiak
• Gipuzkoako Batzar Nagusiak

Kanpo loturak

• (Gaztelaniaz)(Euskaraz)(Ingelesez)Arabako Biltzar Nagusietako webgunea