Arabako Foru Aldundia
|
||||
|---|---|---|---|---|
 Arabako Foru Aldundiaren egoitza Gasteizen. |
||||
| Herria | Probintziaren plaza, Gasteiz Araba |
|||
| Herrialdea |  Euskal Herria |
|||
| Koordenatuak | 42°50′50″N 2°40′32″W / 42.84722°N 2.67556°WKoordenatuak: 42°50′50″N 2°40′32″W / 42.84722°N 2.67556°W | |||
| Garaia | 1781an eraikia 1982an zaharberritua.[1] |
|||
  Arabako Foru Aldundia
|
||||
Arabako Foru Aldundia (ofizialki Diputación Foral de Álava-Arabako Foru Aldundia) Arabako gobernu organoa da. Espainiako beste diputazio batzuekin alderatuta lurralde historiko bat izateak ekartzen dituen konpetentziak ditu, hala nola, ogasuna, urbanismoa eta gizarte gaiak.
Arabako Foru Aldundiaren egoitzan Arabako Batzar Nagusien bilkurak ere garatzen dira.
Eduki-taula |
[aldatu] Sailak
- Ahaldun Nagusiordea eta Foru Administrazioa
- Toki Administrazioa eta Lurralde Oreka
- Ogasun Finantza eta Aurrekontuak
- Gizarte Politika eta Gizarte Zerbitzuak
- Berrikuntza eta Ekonomia Sustapena
- Herrilan eta Garraioa
- Nekazaritza
- Ingurumena
- Euskara, Kultura eta Kirolak
- Gazteria eta Gizarte Sustapena
[aldatu] Ahaldun Nagusia
Foru Aldundiaren buru Ahaldun Nagusia da, gainontzeko ahaldunek aukeratua. Gaur egun Javier de Andrés da Arabako Ahaldun Nagusia.
[aldatu] 2011an Ahaldun Nagusia aukeratzeko prozesua
2011ko hauteskundeetako emaitzen ondoren, Bildu alderdiak esan zuen EAJren hautagaiari emango ziola botoa inbestidura saioan.[2] Bestalde, PSE-EEk PPren hautagaiari emango ziola botoa adierazi zuen.[3]
Ahaldun Nagusia hautatzeko lehian, beraz, EB-B taldearen bi ahaldunen botoak erabakigarri ziren. Talde honek bere oinarriko afiliatuei galdetu zien zer egin: EAJren aldeko botoa eman, Ahaldun Nagusi berriro Xabier Agirre Lopez izan zedin, ala bere hautagai propioaren alde bozkatu, horrela Ahaldun Nagusiaren postua PPko Javier de Andrések eskuratuz. Galdeketaren ondoren, bigarren aukera hobetsi zuten,[4] eta Javier de Andrés atera zen garaile.
Inbestidura saioan, Xabier Agirrek EB-Bko bi ahaldunei leporatu zien aurreko egunetan bi alderdiek hitzarmena lortzeko egin zituzten negoziazioetan EB-Bko ahaldunek trukean dirua eta haien alderdiko zenbait militanterentzako lanpostu finkoak eskatu zituztela.[5] Hurrengo egunean, EB-B alderdiko Kontxi Bilbaok onartu zuen bere alderdiko norbaitek eskaera hori egin zuela, baina ez talde negoziatzaileak, eta EAJrengandik horren berri jakin bezain laster negoziazio mahaitik kendu zutela. [6]. EB-Bko koordinatzaile nagusi Mikel Aranak Javier Madrazo koordinatzaile nagusi ohia eta Nerea Galvez eta Mertxe Etxezarreta Arabako batzarkideak kanporatu zituen alderditik.
[aldatu] Arabako Ahaldun Nagusien zerrenda
| Legegintzaldia | Lehendakaria | Alderdia |
|---|---|---|
| I. (1979-1983) | Emilio Gebara Saleta | EAJ |
| II. (1983-1987) | Juan María Ollora Otxoa de Aspuru | EAJ |
| III. (1987-1991) | Fernando Buesa Blanco | PSE |
| IV. (1991-1995) | Alberto Antsola Maiztegi | EAJ |
| V. (1995-1999) | Félix Ormazabal Askasíbar | EAJ |
| VI. (1999-2003) | Ramon Rabanera Rivacoba | PP |
| VII. (2003-2007) | Ramon Rabanera Rivacoba | PP |
| VIII. (2007-2011) | Xabier Agirre Lopez | EAJ |
| IX. (2011-2015) | Javier de Andrés | PP |
[aldatu] Ikus, gainera
- Arabako Batzar Nagusiak
- Bizkaiko Foru Aldundia
- Gipuzkoako Foru Aldundia
- Euskal Autonomia Erkidegoko ahaldun nagusien zerrenda
[aldatu] Erreferentziak
- ↑ http://www.mundicamino.com/FichaMunicipio.cfm?id=1197&xname=Vitoria&que=Monumentos
- ↑ Bilduk EAJ babestuko du Arabako Foru Aldundian, «trukean ezer eskatu gabe», berria.info webgunean 2011/07/07an kontsultatua
- ↑ Javier de Andres popularra ahaldun nagusi izan dadin sozialisten botoak beharrezkoak badira, haren alde bozkatuko dute, eitb.com webgunean 2011/07/07an kontsultatua
- ↑ «Ezker Batuko Arabako kideetatik hamarretik zortzik erabaki zuten Agirreri babesa ez ematea atzo», Berria, 2011-07-07. 2011-07-07an kontsultatua.
- ↑ Xabier Agire: Zuek [EB nahi zenuten gauza bakarra postuak eta dirua zen, argia.com webgunean] 2011/07/07an kontsultatua
- ↑ Ezker Batuko kide batzuentzat batzarkideen babes truke karguak eskatu zirela baieztatu du Bilbaok, berria.info webgunean 2011/07/08an kontsultatua
[aldatu] Kanpo loturak
- (Euskaraz) (Gaztelaniaz) Arabako Foru Aldundiaren webgune ofiziala
