Arantxa Iturbe
| Datu pertsonalak | ||
|---|---|---|
| Izen osoa | Arantxa Iturbe Maiz | |
| Jaio | 1964ko ekainaren 9a | |
| Alegia (Gipuzkoa) | ||
Arantxa Iturbe Maiz (Alegia, Gipuzkoa, 1964ko ekainaren 9a - ) euskal idazle eta irrati esataria da, "Euskadi Irratia"n lan egiten duena.
Eduki-taula |
[aldatu] Bizitza eta obra
Informazio-zientzietako ikasketak egin zituen Nafarroako Unibertsitatean. Euskadi Irratian egiten du lan, kazetari gisa. Goizean Behin saioan esatari eta zuzendari moduan egindako lanagatik Kazetaritzako Rikardo Arregi saria jaso zuen 2000. urtean.
Horretaz gainera, iritzi-zutabeak idazten ditu hainbat egunkaritan. Bere idatziek gizakien arteko harremanez dihardute batez ere.
1992an Ezer baino lehen ipuin bilduma argitaratu zuen, eta urte horretan bertan Euskadi Irratiak haren Maite, maite, maitea antzezlana eman zuen irrati nobela gisa.
1995ean beste ipuin bilduma bat argitaratu zuen: "Lehenago zen berandu". Bere ipuinek pertsonen arteko harremanez dihardute batez ere, eta emakumeak dira protagonista nagusi.
1999an, "Ai ama!" saiakera laburrean, amatasunaren gaineko burutapenak plazaratu zituen, topikoak hauste aldera. Lan hori antzerkirako moldatu zuen Agurtzane Intxaurragarekin batera, eta HIKA taldeak antzeztu zuen 2001ean. Iturbek eta Intxaurragak euskarazko antzerkigilerik onenaren Max saria jaso zuten handik bi urtera.
2006an "Kontu-jaten" argitaratu zuen, XX. mendearen lehen hamarkadetan jaiotako Euskal Herriko hainbat emakume eskarmentu handikoei egindako elkarrizketa bilduma.
[aldatu] Ibilbidea irratian
Ezaguna egin zen irratiaren munduan Jaime Otamendirekin batera aurkeztutako "Goizean Behin" irratsaioarekin, "Euskadi Irratia"n. 1985ean hasi zen bertan lan egiten.
Gaur egun, "Arratsaldekoa" saioa gidatzen du.
[aldatu] Idazlanen zerrenda
[aldatu] Narrazioa
- Ezer baino lehen (1992, Elkar)
- Lehenago zen berandu (1995, Alberdania)
- Ai ama! (1999, Alberdania)
- Bakarrizketan (2001, Alberdania): Kike Amonarriz, Pako Aristi, Harkaitz Cano, Andoni Egaña... eta beste idazle askoren narrazioak biltzen dituen bilduma
[aldatu] Antzerkia
- Maite, maite, maitea (1-15) (1992, Eusko Jaurlaritza)
[aldatu] Kanpo loturak
- (Euskaraz) Arantxa Iturbe literaturaren zubitegian
- (Euskaraz) Liburuak Alberdanian
- (Euskaraz) "Kontu jalea", Arantxa Iturberi buruzko artikulua Berrian
- (Euskaraz) Elkarrizketa Argian
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
