Arktino Miletokoa

Wikipedia(e)tik
Hona jo: nabigazioa, Bilatu

Arktino Miletokoa (grezieraz Ἀρκτῖνος Μιλήσιος) ospe handiko olerkari epiko greziar bat izan zen, tradizioaren arabera, lehen olinpiar jokoen garaian bizi izan zena, K. a. 775 eta K. a. 741 bitartean. Esaten denez, Homeroren ikaslea izan zen. Fenias Eresokoak, K. a. VII. mendean kokatu zuen, eta lehiaketa batean Leskes Pirrakoak garaitu zuela dio. Arktino, "olerkari zikliko" deritzonetako bat izan zen, eta Etiopida eta Troiako Arpilaketa idatzi zituen, Troiar Zikloa handitzen lagundu zutenak, eta, beharbada, Naupactia ere idatzi zuen.

Olerki hauek galdu egin dira, baina, lehenengo biak nolakoak izan ziren irudika dezakegu, Crestomatiari esker (ziurrenik akatsen batengatik), V. mendeko neoplatondarra zen Proklori emana.

Etiopida (Αιθιοπις) bost liburutan, horrela, etiopiar erregea zen Memnonengatik deitzen da, nor, Hektor hil ondoren, troiarren aliatua izan zen. Prokloren arabera, olerki honek, Iliada amaitzen den narrazio saila jarraitzen du:

Pentesilea amazona gerrara doa troiarrei laguntzera. Bera, Ares eta traziar baten arreba-ahizpa da. Akilesek hiltzen du bera borrokan ari den bitartean, eta troiarrek lurperatu egiten dute. Akilesek Tersites hil zuen, lehenik eraso egin ziona eta Pentesileaganako maitasuna leporatu ziona.

Etiopida, Akilesen heriotza eta hiletarekin eta honen armengatik Ayax eta Odiseok izan zuten leiharekin amaitzen da

Troiako Arpilaketa edo Iliupersisek, Troiako Zaldia, Sinon, Laokonte, hiriaren hartzea eta Ayax Oileok Kasandra bahitu izanagatik Atenearen haserreak eragindako greziarren alde egitearen gertaerak kontatzen ditu. Iliada Txikiak, ohi lehen aipaturiko Leskes Pirrakoari ematen zaiona, Etiopida eta Iliupersisen arteko narrazio espazioa bete zuen.