Arno (ibaia)

Arno
Arno ibaiaren gaineko zubiak, ibaia Florentziatik igarotzean
Luzera	241 km
Arroa	8.228 km²
Emaria	110 itsasoratzean m³/s
Iturburua	Falterona mendia
Ibai ahoa	Liguriako itsasoa

Arno Italiako Toskana eskualdetik igarotzen den ibai bat da. 1385 metroko altueran jaiotzen da, Apeninoetako Falterona mendian, eta Pisan itsasoratzen da, Liguriako itsasoan, 241 kilometro egin ondoren. Bere arroa, 8.228 kilometro karratukoa da. Florentzia eta Pisa dira igarotzen dituen hiririk garrantzitsuenak.

Bere erregimena, mediterranearra da, agorteekin udan eta goraldiekin udazkenean. Uholderik handiena, 1966ko azaroak 4an izan zuen, non 3540 metro kubiko segundoko emaria lortu zuen Rosanon, Apeninoetatik irten ondoren, eta 4500 metro kubiko segundoko Florentzian, iturburuan 400 mm baino gehiago eta, Florentzia aldean 200 mm baino gehiagoko eurien ondorioz. Aldi berean, lehorte garaietan, oso emari txikiak izatera iritsi da, adibidez, Rosanon, 0,56 metro kubiko segundoko.

Bere ibarrak, oso pintoreskoak dira, eta, ibaiaren gainean, nabarmentasun eta balio artistiko handiko zubi ugari daude, horien artean, Florentziako Ponte Vecchio zubia nabarmentzen delarik.

Ibaiadarrak

• Sieve ibaia
• Bisenzio ibaia
• Ombrone ibaia
• Era ibaia
• Elsa ibaia
• Pesa ibaia
• Pescia ibaia

Azpiarroak

• Casentino
• Val di Chiana
• Valdarno
• Valdarno ertaina, Florentzia, Sesto Fiorentino, Prato eta Pistoia barne
• Behe Valdarno, ibaiadar garrantzitsuen haranekin, Elsa, Pesa eta Era kasu, non, Pontedera igaro ondoren, ibaia Liguriako itsasorantz abiatzen den.

Beste zubi batzuk

• Santa Trinitá zubia
• Ponte alla Carraia