Arsenic and Old Lace (filma)

Arsenic and Old Lace (euskaraz literalki Arsenikoa eta Parpail Zaharra, Hego Euskal Herrian gaztelaniaz Arsenikoa, gupidaz) 1944ean Frank Capra estatubatuar zinema zuzendariaren komedia filma bat da. 1941eko Joseph Kesselring antzerkigilearen Arsenic and Old Lace antzezlanean oinarritua dago. Cary Grant, Peter Lorre, Priscilla Lane, Jack Carson, James Gleason eta Josephine Hull aktoreek antzeztu zuten.

Argumentua

Mortimer Brewsterrek (Cary Grant) haurra zenetik hezi duten Abby eta Martha izebei (Josephine Hull eta Jean Adair) laisterrera Harper (Grant Mitchell) erreberendoaren alabarekin (Priscilla Lane) ezkonduko dela iragarri die. Haiekin batera Mortimerren anaia Teddy (John Alexander) ere bizi da. Baina bapatean, lehio gaineko kutxa baten barnean agure baten gorpu bat topatuko dute. Bi izebek euren hilketaren ardura naturaltasun osoz aitortu eta xalotsun osoz adineko gizon ezkogabe eta bakartiak erailtzeko zaletasun dutela ere aipatuko diote...

Aktoreak

• Cary Grant: Mortimer Brewster
• Josephine Hull: Izeba Abby Brewster
• Jean Adair: Izeba Martha Brewster
• Raymond Massey: Jonathan Brewster
• Peter Lorre: Herman Einstein doktorea
• Priscilla Lane: Elaine Harper Brewster
• John Alexander: "Teddy Roosevelt" Brewster
• Jack Carson: Patrick O'Hara ofiziala
• John Ridgely: Sanders ofiziala
• Edward McNamara: Brophy polizia sarjentua

• James Gleason: Rooney polizia sarjentua
• Edward Everett Horton: Witherspoon jauna
• Grant Mitchell: Harper erreberendoa
• Vaughan Glaser: Cullman epailea
• Chester Clute: Gilchrist doktorea
• Edward McWade: Gibbs jauna - agurea
• Garry Owen: taxilaria
• Charles Lane: lehen erreportaria
• Hank Mann: kameradun bigarren erreportaria

Kanpo loturak

• Arsenic and Old Lace filmaren IMDBko fitxa irakurgai (Ingelesez)