Art Blakey

Wikipedia(e)tik
Hona jo: nabigazioa, Bilatu
1=Art Blakey touring in 1973 as part of the "Giants of Jazz" bill in the Musikhalle, Hamburg
Art Blakey, 1973an, Hamburgen.

Estatubatuar musikaria (Pittsburg, Pennsylvania, 1919 - New York, 1990). Arraza beltzekoa eta jatorri xumekoa zenez, bere kabuz ikasi zuen pianoa jotzen. Musikaren munduan gau-klubetan hasi zen piano-jotzaile gisa, depresio ekonomikoaren garaian. 40ko hamarraldian Mary Lou Williams eta Fletcher Hendersonekin harremanak izan zituen, eta jazzeko bateria-jotzaile arrakastatsua bihurtu zen. Jazz espezialistarik onenekin aritu zen: Charlie Parker, Dizzy Gillespie, Dexter Gordon, Sarah Vaughan, Miles Davies. 1955ean bere taldea sortu zuen, Messengers Boskotea. Garai hartan islamismora bihurtu, eta Abdullah ibn Buhania izena hartu zuen. Horace Silver pianista, Kenny Dorham tronpetista, Hank Mobley saxofoi-jotzailea eta Doug Watkins kontrabaxu-jotzailearekin Europan zehar birak egiten ibili zen, 1956-1961 bitartean. 70ko hamarraldiaren hasieran, heroinarekin arazoak zituela-eta, taldea desegin, eta Blakey Giants of Jazz seikotean sartu zen. Baina 1980an The Messengers berrosatu, eta bira gehiago egin zituzten, bere osasun arazoak zirela-eta gero eta urriagoak izan ziren arren. Bateriaren alorrean berritzailetzat hartua da, eta ondorengo belaunaldientzako maisutzat.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Art Blakey Aldatu lotura Wikidatan