Aspergillus

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Aspergillus
Hifaren mutur zirkularra konidiosporekin
Hifaren mutur zirkularra konidiosporekin


Sailkapen zientifikoa
Erreinua: Fungi
Filuma: Ascomycota
Klasea: Eurotiomycotes
Ordena: Eurotiales
Familia: Trichocomaceae
Generoa: Aspergillus

Aspergillus generoa 200 espezie inguru dituen onddo mota bat da, Ascomycota filumean sailkatua. Onddoak, orokorrean, hiru talde nagusitan sailka daitezke, morfologiari dagokionez: legamiak (onddo zelulabakarrak), lizunak (hifa izeneko filamentuak dituztenak) eta perretxikoak (gorputz fruitu-emaile handiak dituztenak, kapela itxurakoak, askotan jan egiten direnak). Aspergillus onddoa lizunen taldean sailkatzen da, hifa luzeak baititu.

Aspergillus-en hifak tabikatuak dira, hots, ez dira multinuklearrak (trenkada bakoitzean nukleo bat egon ohi da). Hifa horiek adarkatu egiten dira, mizelio izeneko multzo bat osatuz. Aireko hifaren muturretan konidio izeneko egitura esferikoak daude, esporak direnak (konidiosporak ere deitzen zaie).

Aspergillus-en hifen muturrek itxura zirkularra dute, eta konidiosporak zirkulu horren periferia osoan hazten dira. Onddoa era asexualean ugaltzen da, konidiosporen bidez.

Aspergillus saprofitoa da, eta bizileku ugari ditu: lur-zorua, airea, ura, janariak, landareak, belarra eta deskonposizioan dagoen materia organikoa. Hautsean ere egon daiteke. Hezetasunak eta tenperatura altuek bere hazkuntza errazten dute.

Onddo oportunista da, eta patologia larriak sor ditzake pertsona immunogutxituengan, aspergilosia izanik denen artean larriena. Aspergillus fumigatus da gaitz horren eragile nagusia. Aspergillus flavus eta Aspergillus niger beste patogeno batzuk dira. Genero honetako hainbat onddok aflatoxinak ere ekoizten dituzte, ondorio larriak dakartzaten toxina indartsuak, alegia.

Commonsen badira fitxategi gehiago, gai hau dutenak: Aspergillus Aldatu lotura Wikidatan