Asterix Hispanian

Wikipedia(e)tik
Hona jo: nabigazioa, Bilatu

Asterix Hispanian (jatorrizko frantsesezko izenburuz Astérix en Hispanie), Asterixen komiki saileko 14. abentura da, Frantzian, 1969an argitaratu zena.

Istorioa[aldatu | aldatu iturburu kodea]

Julio Zesarren tropek, Hispaniaren lurralde ia osoa hartu eta konkistatu dute, Munda eta Hispalis artean dagoen herrixka iberiar bat izan ezik, bere sustraiak alde batera uzteari uko egiten diona. Horretarako, erromatarrek, Pepe bahitzen dute (benetan Perikles deitzen dena), herrixkako buruzagia den Batxurizopito eta Arrilarioren semea, konkistatzen uzten badira, itzuliko diotenaren baldintza jarriz. Erromatarrak Erromara doazen bitartean, Asterix eta Obelixekin topo egiten dute, nortzuk Pepe kendu eta Hispaniara itzultzea erabakitzen duten. Bidean zehar, galiarrak, piratekin topo egiten dute Itsaso Zeltikoan, Europa iparraldetik datozen turistekin, druida prozesioekin eta zezenketa jaiekin hispaniar lurraldean, baita suaren inguruan dantzatu eta kantatzen duten ijitoekin ere, erromatarretako bat, Klaudius Nonpossumus, mozorrotuta, galiarrei edabe magikoa lapurtzen saiatzen den bitartean, honela, umea erromatarrei itzultzeko. Biñetetako batean, Zaragoza aldean, Kixote eta Santxo Pantzaren bertsio zeltiberiar bat ere agertzen da.

Komikiaren iruzkina[aldatu | aldatu iturburu kodea]

Liburu hau, frankismo garaiaren amaierako irrimarrazko irudi bat da, non turista ugaritasuna (liburuan, barra-barra agertzen dira galiarrak, godoak eta bretoinak, euren ondorengo izango diren frantziar, alemaniar eta britainiarrek bezala eginez), ohiturarik espainiarrenak eta herrialdea modernotzeko etengabeko borroka (horrek, etengabe, errepideetan lanak egin behar izatea ekarri arren) nahasten ditu. Hasiera batean, herrialdea 1969an gobernatzen zuen diktadura frankistari buruzko erreferentziarik ez dagoela dirudien arren, egia esan, gauzaren batzuk, oso modu sotilean, berau gogorarazten dute. Honela, erromatar legionariak, Hispanian, beste komiki batzuetan ez bezala jazten dira, Falangea gogorarazten duten jantzi urdinarekin eta zapi gorriarekin, eta Hispania, "jeneral" (Asterixen abentura guztien artean, halako titulua duen erromatar bakarra) zahar eta despota batek gobernatzen du, bere izena aipatzen ez delarik.

Galiarren herrixkako biztanleen arteko borroka ospetsua ikusten den Asterixen lehen komikia da.

Pertsonaia ospetsuen irrimarrak[aldatu | aldatu iturburu kodea]

Gérard Calvi, konposatzaile frantziarra, erromatar bandaren zuzendari bezala marraztua dago Hispaliseko zirkuan.


Aurrekoa
Asterix eta pertza
Asterixen abentura
1969an argitaratua
Ondorengoa
Liskarra
Commonsen badira fitxategi gehiago, gai hau dutenak: Asterix Hispanian Aldatu lotura Wikidatan