Astorga

Astorga
Gaztela eta Leon
Izen ofiziala	Astorga
Estatua Erkidegoa Probintzia Eskualdea	Espainia Gaztela eta Leon León Maragatería
Alkatea	Victorina Alonso
Koordenatuak	42°27′32″N 6°3′48″W
Koordenatuak	42°27′32″N 6°3′48″W
Astorga
Eremua	46,78 km2
Distantzia	46 km Leonera
Postakodea	24700
Biztanleria	12.078 bizt
Dentsitatea	258,19 bizt/km²
Sorrera	K. a. 14
http://www.ayuntamientodeastorga.com/

Astorga Leóngo Maragatería eskualdean dagoen udalerria da, bertako hiriburua dena. 2009an 12.078 biztanle zituen.

Datu Orokorrak

Astorga Leoneko hiri bat da. Leonetik Astorgara 48 kilometroak daude. La Maragateria eskualdean dago. Astorgak 46,78 kilometro karratuak ditu. 12.100 biztanleak ditu. Augusto enperadorearen garaian ASTURICA AUGUSTA deitzen zioten Astorgari. Oso hiri ospetsua da Done Jakue Bidean.

Monumentuak

• KATEDRALA: XV. mendean hasi zen egiten eta XVII. mendean bukatu zen. Erromaniko eta Gotikoaren eragina nabari da. Fatxadak Kristoren bizitzaren bost eszenak irudikatzen ditu. Katedralaren goian Pedro Mato pertsonaiaren irudia agertzen da.

• JAUREGI EPISKOPALA: Eraikuntza XIX eta XX. mendeetan egin zen. Antonio Gaudi izan zen arkitektoa. Jauregiak sotoa, bi pisu nagusi, noblekoa eta atikoa ditu.

• UDALETXEA: XVII. mendean eraiki zen. Fatxadaren goialdean agertzen dira erloju eta kanpaia handi bat eta kanpaiaren alde bakoitzean bi maragato (Astorgako biztanleak) daude, Juan Zankuda eta Colasa deritzenak; orduak eta erdiak jotzen dituzte mailu batekin. Udaletxea enparantza nagusian dago kokatuta. Gotiko estilokoa da.

Jaiak

• INAUTERIAK: Hausterre-egunaren ondorengo lehenengo larunbatean ospatzen dira. Enparantza nagusian pregoi bat dago eta geroago hainbat txarangak eta taldeen desfileak betetzen ditu hiriak.

• ASTE SANTUA: Astorga oso hiri erlijiosoa denez, jai hori oso garrantzitsua da eta debozio handiarekin ospatzen da. Hamalau prozesio Nekaneen Ostiraletik (viernes de Dolores) Berpizte Igandera arte desfilatzen dira gure hirian.

• SANTA MARTA: Abuztuaren azken astean ospatzen da. Jai hori Astorgako zaindariari, Santa Martari, eskaintzen zaio. Hainbat ekitaldi antolatzen dira, hau da, antzerkiak, kirol lehiaketak, herri-musika, erraldoi eta buruhandien desfileak eta abar.

• KASTROTIERRA BIRJINA: Tradizioz, ekainean eta zazpi urtean behin ospatzen da. Baina, egia esan, landetan ura behar denean eta euria ez duenean egiten, Astorga inguruko herri guztiak biltzen dira eta erromesaldi moduan joaten dira Kastrotierrara Birjina hartzera eta Astorgako Katedralera eramaten dute. Han, bederatzi egun egoten da. Denbora hori pasa ondoren Birjina eramaten dute berriro Kastrotierrara.

• ASTURIARRAK ETA ERROMATARRAK: uztailaren azken asteburuan ospatzen da. Asturiarrak eta erromatarrak bizi zirenean, Astorgan bizitza nolakoa zen gogoratzeari ekiten diote. Hainbat ekitaldi antolatzen dira, esate baterako, zirku erromatarra, merkatua, jarduerak kanpamentuetan eta gastronomiako jardunaldiak.

Gastronomia

• ASTORGAKO ELTZEKOA (cocido-a): Bederatzi haragi ezberdin, garbantzuak, barazkia, sopa eta postrea. Postrea beti izaten da arrautza-esneak bizkotxo edo mantekada batekin. Berezitasunik nagusiena bazkaltzeko era da, hots, haragiekin hasten da eta sopa eta postrearekin amaitzen da.
• BEHIKO ZEZINA.
• ZANKARRA.
• MANTEKADAK: orain dela 200 urte lehenengo mantekadak fabrikatzen hasi ziren. Osagaiak honako hauek dira: irina, arrautzak, azukrea eta behiko gantza.
• HOJALDREAK: gozokiak dira, eztiz estalita. Oso goxoak dira mantekaden antzera.

Demografia

Bilakaera demografikoa
Iturria:INE

Alkateak

Alcaldes desde las elecciones municipales de 1979

Agintaldia	Izena	Alderdi politikoa
1979 - 1983	Luis González Pérez	UCD
1983 - 1987	Recaredo Bautista	Partido Falangista
1987 - 1989	Adolfo Alonso Ares	PDP
1989 - 2011	Juan José Alonso Perandones	PSOE

Hiri senidetuak

Astorga ondorengo hiriein senidetuta dago:

• Moissac (Frantzia)
• Clavijo (Espainia)

Kanpo loturak

• Astorgako Udalaren webgunea (Gaztelaniaz)