Atano III.a pilotalekua

Wikipedia(e)tik
Hona jo: nabigazioa, Bilatu
Atano III.a pilotalekua
Atanopilotalekua.jpg
Atano III.a pilotalekua non dagoen adierazten duen Donostia erdiguneko mapa
Atano III.a pilotalekua
Atano III.a pilotalekua (Donostia erdigunea)
Udalerria Donostia, Gipuzkoa
Koordenatuak 43°18′3″N 01°58′32″W / 43.30083°N 1.97556°W / 43.30083; -1.97556
Helbidea Anoeta pasealekua, 6
Luzera 35 m[1]
Zabalera 10 m[1]
Altuera 14 m[1]
Inaugurazioa 1963
Berriztatzea 1995
Jabea Donostiako Udala
Edukiera 1.944[2]

Atano III.a edo Anoeta pilotalekua Donostiako udal pilotaleku laburra da, Anoetako estadioaren ondoan kokatua. 1963ko uztailaren 17an ireki zuten, Anoetako pilotalekua izenarekin. 1995ean eraberritu ostean, Atano III.a izena ipini zitzaion, Mariano Juaristi txapeldun handiaren omenez.[3] Pilotaleku honek sona handia hartu du bertan jokatutako esku huskako pilotako txapelketetako finalak direla eta. Denetara, buruz buruko 39 final eta binakako 23 jokatu dira Atano III.a pilotalekuan.[4]

1970ean, pilotaleku honetan jokatu ziren Munduko Pilota Txapelketako partidak. Irailaren 19an, Francisco Franco partida haietako bat ikusten ari zela, Joseba Elosegik bere buruari su eman zion eta bigarren galeriatik kantxara jauzi egin zuen, «Gora Euskadi askatuta» oihu eginez, diktadoreari Gernika suntsitu zuen su kiskalgarria ikustarazteko asmoz.[5]

Erreferentziak[aldatu | aldatu iturburu kodea]

  1. a b c Atano III.a pilotalekua, Eusko Jaurlaritzaren Turismo webgunea.
  2. Atano III.a udal pilotalekuaren web orria, Donostiako Udalaren webgunean.
  3. Atano III.a pilotalekua, Asegarceren webgunea.
  4. I. MAGRO: «Atanoko azken finala?», Berria, 2010-12-08.
  5. Carlos ETXEBERRI: «Franco ante su horror», Noticias de Gipuzkoa, 2010-09-26.

Kanpo loturak[aldatu | aldatu iturburu kodea]