Atxabiribil

Atxabiribil
Ezaugarri orokorrak:
- Non dago	Sopela
- Luzera
- Batazbesteko Zabalera
- Betetasun maila	altua
- Urbanizatze maila	ertain-baxua
- Pasealekua	ez
Hondartza mota:
- Hare mota
- Bainuaren egoera	ona
- Hondartza nudista	ez
Kirolak:
- Surfa egiteko	ona
- Urpekaritza	ez
- Besterik	korrika egiteko
Ingurumena:
- Landaredia	ez
- Eremu babestua	ez
- Bandera urdina	ez
Segurtasuna:
- Zaintze taldea	bai
- Arrisku seinaleak	bai
- Hondartzainak	bai
- Udaltzaingoa	bai
- Ertzaintza	bai
- Sorosle taldea	bai
Sarbideak:
- Elbarrituentzako prestatuta	ez
- Sarbide Mota	errepidez
- Sarbide seinalizatua	bai
Bestelako informazioa:
- Taberna kopurua	4
- Kanpina	gertu
- Herrigunerako distantzia	1,5 km

Atxabiribil Sopelako hondartza bat da. Arrietara hondartzaren eta la playa del carbón deitutako harrizko kala txiki baten artean dago. Herrigunetik nahiko urrun dago.

Ezaugarriak

Berez, Arrietararekin batera hondartza bakarra egiten du. Baina, haitz batek bitan banatzen dituenez eta, batez ere, auzo ezberdinetatik ailegatzen denez hondartza bakoitzera denboraren poderioz izen ezberdinak jaso dituzte. Atxabiribilek ekialdeko zatia (txikiagoa) osatzen du.

Arrietara (ezkerrean) eta Atxabiribil (eskubia) hondartzak banatzen dituzten haitzak.

Askotan Sopelako hondartza ere izaten da deitua. Sopelako harezko beste bi hondartzak, Barinatxe eta Arrietara, Larrabasterra auzotik gertuago daudelako.

Hondartza honek, askok bezala, zirkulu erdiaren forma dauka; baina alegiazko zirkulu honen erdian, uretan erdi murgildurik, Peñatxuri haitza dago. Haitz hau herriko sinbolo bat moduan ulertu daiteke, batez ere, hondartzara askotan joaten direnentzat. Izan ere, herriko surf talde zaharrenak Peñatxuri dauka izena.

Surfa

Hondartza honek, aipatutako beste biek ez bezala, ez dauka surf tradizio oso handia. Esan liteke Bizkaiko beste hondartza askorekin alderatuta tradizio handia daukala. Baina herriko besteekin konparatuta oso txikia da. Hau ez da olatuen kalitate txarren eraginagatik, baizik eta bertan egoten den jenteagatik. Atxabiribilen seme-alabekin dauden gurasoak izaten dira orokorrean eta horrek surfa zailtzen du.

Hondartzaren formak ere ur-kirolak zailtzen ditu. Bere forma borobiltsuaren eraginagatik itsaslabarretik itsasertzera leku handia dago, itsasertza bera estua izanik. Beraz, laku hain handi batean dauden bainu-hartzaile guztiak leku estuegian hartzen dute bainua, surfa eta beste joko eta kirol asko zailduz.

Atxabiribilgo hondartza 2010.ean

Ikus, gainera

• Arrietara

Kanpo loturak

• (Euskaraz) Hondartzari buruzko informazioa Bizkaiko Foru Aldundiaren webgunean.