Auñamendiko eskualdea

Artikulu hau eskualdeari buruzkoa da; beste esanahietarako, ikus Auñamendi (argipena).

Auñamendi
Nafarroa
Azalera	732,2 km²
Biztanleria	5.114 (2010)
Dentsitatea	6,98 bizt / km²
Udalerriak	Abaurregaina, Abaurrepea, Artzibar, Aria, Aribe, Auritz, Erroibar, Esteribar, Hiriberri, Garaioa, Garralda, Luzaide, Orbaizeta, Orbara, Orotz-Betelu eta Orreaga
Herririk handiena	Esteribar (2.022 biztanle)

Auñamendiko eskualdea Nafarroako ipar-erdialdeko Piriniotako ibarrak hartzen dituena da, Nafarroa Behereko mugan.

Zonaldeari izena Auñamendi mendietatik ("Pirinioak") datorkio.

Mugakideak

Iparraldean Baztan eta Nafarroa Beherea, hegoaldean Iruñerria eta Agoiz eta Irunberri aldeak, ekialdean Zaraitzu-Erronkari eta mendebaldean Ultzama aldea mugakide ditu eskualdeak.

Ibar eta udalerriak

Mendebaldetik ekialdera, Esteribar, Erroibar eta Artzibar ditugu, eta azken honetatik iparralderantz Orotz-Betelu, Auritz, Orreaga eta Luzaide udalerriak, azken hau Nafarroa Behereko mugan.

Eskualdeko ekialdean, azkenik, Aezkoa dago.

Euskara

Inguru honetan nafarreraren aldaerak diren esteribarrera eta erroibarrera ditugu, bai eta oraindik hiztun biziak dituen aezkera ere, ekialdeko nafarreraren aldaera berau.

Ikus, gainera

• Nafarroako eskualdeak