Auzolan
- Artikulu hau lan sistemari buruzkoa da; alderdi politikoa gaitzat duena beste hau da: Auzolan (alderdia)
Auzolana auzotar, herritar, lagun eta bizikideen artean lankidetzan zereginak egiteko sistema da, Euskal Herriko landa lurretan oso sustraitua. Hasiera batean, auzokoen artean egindako lanak (batik bat herriko eta basoetako toki komunetan) adierazteko erabili ohi zen. Gaur egun lankidetzaren sinonimotzat erabiltzen da.
Eduki-taula |
Auzolan motak [aldatu]
Bi auzolan mota egon liztezke: Auzolan handia eta auzolan txikia, bata edo bestera deituak izan diren auzotarrak euren gurdiekin edota euren igitai, sega, morkotx, etabarrekin joan litezke.
Ezaugarriak [aldatu]
Auzolanaren helburua auzotarren doaineko lanaren bidez denontzako onuragarria den zeozer burutzea edo gauzatzea da. Herriko udaletxean edota auzotarren biltzar baten bidez auzolana, non, nola eta zeintzuk gauzatuko duten erabaki ohi da. Auzolanaren bitartez nagusiki herri bideen irekiera edota mantenua burutzen da, baita eliza, baseliza edota eraikin publikoen eraikuntza, edo auzotar batek beharra duenean laguntza gisa ere egin ohi da.
Urtero irailean auzolan orokorra egin ohi zen (eta egin ohi da), eta auzolan berezia udaberri aldera izan ohi da. Auzo bakoitzeko biltzar bakoitzak auzotar bakoitzari auzolana zein egun, leku eta ordutan egingo den jakinarazten dio. Edozein arrazoiengatik ezin joana duen auzoatarrak bere ordezkoa bidali beharra du.
Adibideak [aldatu]
- Zerainen garatutako "paisaia kulturalari" buruzko proiektuak auzolana du oinarri[1].
- Lizoainibarko Parke Zelta 2009tik aurrera herritarrek auzolanean eraikitako parkea da[2].
Bibliografia [aldatu]
Erreferentziak [aldatu]
- ↑ Paisaia kulturala auzolanean bizi, Argia, 2.248 zkia., 2010eko urriaren 17a.
- ↑ Zelta artean, auzolana indartuz, Aizu!, 361. zkia., 2011ko azaroa.
