Azalera

Azalera gainazal baten neurria da, hau da, irudi geometriko batek betetzen duen plano-zatiaren hedadura.

Geografian, lurraldeen luze-zabala adierazteko eremu erabiltzen da.

Azalera unitateak

Nazioarteko Unitate Sisteman erabiltzen den unitatea metro koadroa da (m²).

Horretaz gain hainbat multiplo eta azpiunitate erabiltzen dira:

• Kilometro koadro
• Hektarea
• Area
• Zentimetro koadro

Azaleraren kalkulua

Irudi batzuen azalera kalkulatzeko formulak:

• Karratua: A=l² , non l karratuaren aldea den.
• Laukizuzena: A=b·a , non a eta b laukizuzenaren bi aldak diren.
• Erronboa: A=D·d/2 , non d eta D erronboaren diagonalak diren.
• Hirukia: A=b·h/2 , non hirukiaren l oinarria eta h garaiera diren.
• Poligono erregularra: A=P·a/2 , non poligonoaren P perimetroa eta a apotema diren.
• Zirkulua: A=π·r² , non r zirkuluaren erradioa den. Ohartu formula hori aurrekotik datorrela perimetroaren P hitza zirkuluaren perimetroaz ordezkatzean, 2·π·r dena.

Azaleraren kalkulua funtzioekin

Bi funtzioen artean kokaturiko azalera kalkulatzeko integralak erabiltzen dira:

$A(a,b) = \int^b_a | f(x) - g(x) | dx$

Integral honen emaitza $f(x)$ eta $g(x)$ kurbek $[a;b]$ zatian duten ezberdintasuna da.