Azido nitroso

Azido nitrosoaren molekularen egitura eta dimentsioak

Azido nitrosoa HNO₂ formula duen konposatu kimikoa da.

Ezaugarriak

Azido ahul eta ezegonkorra da. Ur-disoluzioan bakarrik ezagutzen da, eta isolatzeko ahaleginak egiten direnean, deskonposatu egiten da. Honela:

4 HNO₂ → 2 HNO₃ + N₂O + NH₂O

edo honela:

2 NO₂ → NO₂ + NH₂O

Hala ere, azido nitrosoaren gatzak, nitritoak, oso egonkorrak dira. Azido nitrosoaren disoluzioak erreduktoreak eta oxidatzaileak dira aldi berean. Azido nitrikoa, ur oxigenatua, permanganatoa eta bioxido metalikoak erreduzitzen ditu, eta potasio ioduroa, azido sulfurosoa eta gatz ferrosoak oxidatzen.

Erabilera

Tindagaien industrian oso erabilia da diazorreakzioetan, eta haren gatzak, nitritoak, konposatu komertzialak dira, garrantzi handikoak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.