Azido oleiko

Azido oleikoaren egitura.

Azido oleikoa azido cis-9-oktadekanoikoa da. Gantz-azido monoasegabea da (formula kimikoa: C₁₇H₃₃COOH), eta animalien eta landareen koipeetan aurkitzen da. Likido kolorgea da egoera puruan. 4 Â°C-an solidotzen da; dentsitatea 0,895 g/cm³ da, eta irakite-puntua 286 Â°C. Sukoia da. Airearekin oxidatu egiten da, eta horiaren eta gorriaren tarteko kolorea hartzen du. Uretan ez da disolbatzen; alkohol, eter eta disolbatzaile organikoetan disolbatzen da. Beste olio eta gantz-azidoetarako disolbatzaile ona da. Xaboiak ekoizteko lehengai gisa, ukenduak eta kosmetikoak egiteko, janarien gehigarri gisa eta sintesi organikoetarako erabiltzen da. Azido oleikoaren forma asea azido estearikoa da.

Onuragarria da odol-hodietarako, eta zirkulazio-aparatuko eta gibeleko gaitzetatik babesten du. Oliba-olioaren % 55-80 azido oleikoa da. Gure organismoan dagoen kate luzeko gantz-azido monoasegabeetan ugariena da.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.