Hilario Azkarate

Artikulu hau Elorrioko pilotariari buruzkoa da; beste esanahietarako, ikus «Azkarate».

Azkarate
Izen osoa:	Hilario Azkarate Lupiola
Jaiotza data:	1935eko irailaren 9a
Jaioterria:	Elorrio (Bizkaia)
Heriotza data:	2012ko uztailaren 22a (76 urte)
Heriotza herria:	Elorrio (Bizkaia)
Pilotaria
Modalitatea:	esku huskako pilota
Egungo enpresa:	Ez
Postua:	Atzelaria
Debutatze data:	1957
Debutatze pilotalekua:	Astelena pilotalekua

Hilario Azkarate Lupiola, pilota arloan Azkarate deituraz ezaguna, (Elorrio, 1935eko irailaren 9a - ibidem, 2012ko uztailaren 22a) esku huskako pilotaria izan zen. Sei aldiz irabazi zuen Esku Huskako Buruz Buruko Pilota Txapelketa Nagusia, eta txapelketa horretan guztira bederatzi final jokatu zituen. Horrenbestez, Retegi II.ak baino ez du txapel gehiago irabazi (11 txapel), eta Retegi II.ak eta Olaizola II.ak baino ez dute final gehiago jokatu (14 eta 10, hurrenez hurren).

Atzelari ezkerra, sotamanoz primeran zihoan. Elorrioko pilotalekuak haren izena darama.

Finalak

Lehenengo maila

Urtea	Txapeldun	Txapeldunordea	Emaitza	Pilotalekua
1960	Azkarate	Ogeta	22-19	Astelena pilotalekua
1961	Azkarate	Etxabe X.a	22-07	Bergarako pilotalekua
1962	Azkarate	Garcia Ariño I.a	22-21	Vitoriano pilotalekua
1963	Garcia Ariño I.a	Azkarate	22-02	Beotibar pilotalekua
1964	Azkarate	Garcia Ariño I.a	22-14	Anoeta pilotalekua
1965	Azkarate	Atano X.a	22-17	Anoeta pilotalekua
1966	Atano X.a	Azkarate	22-13	Astelena pilotalekua
1967	Azkarate	Atano X.a	22-18	Anoeta pilotalekua
1968	Atano X.a	Azkarate	22-17	Anoeta pilotalekua

Bigarren maila

Urtea	Txapeldun	Txapeldunordea	Emaitza	Pilotalekua
1958	García Ariño II.a	Azkarate	22-20	Deportivo pilotalekua

Erreferentziak

• Datuak: Q9003779