Babe Zaharias
| Babe Zaharias Babe Zaharias 1932ko Olinpiar Jokoetan | ||
| Datu pertsonalak | ||
|---|---|---|
| Jatorrizko izena | Mildred Ella Didriksen | |
| Ezizena | Babe | |
| Jaio | 1911ko ekainaren 26a | |
Port Arthur, Texas ( AEB)
| ||
| Hil | 1956ko irailaren 27a | |
| Galveston, Texas ( AEB)
| ||
| Bikotekidea(k) | George Zaharias | |
Babe Zaharias, ezkondu aurreko izenez Mildred Ella Didriksen (Port Arthur, Texas, 1911ko ekainaren 26a - Galveston, Texas, 1956ko irailaren 27a), kirolari estatubatuar bat izan zen, historiako kirolaririk balioanitzekoetakotzat hartua. Golfa, saskibaloia, beisbola eta atletismoa bezalako kiroletan nabarmendu zen. Gaztetan, Brooklyn Dodgers gizonezkoen beisbol taldean jokatu zuen, non Babe ezizena eman zioten.
Hogeitabat urte zituela, 1932ko Los Angelesko Udako Olinpiar Jokoetan parte hartu zuen. Mildredek atletismoko bost probatan parte hartu nahi izan zuen arren, garai hartako arauen arabera, hirutan bakarrik parte hartu ahal izan zuen, xabalina jaurtiketa, 80 metro hesiak eta altuera jauzian. Hiru probatan lortu zuen domina: Urrezkoa lehenengo bietan, eta zilarrezkoa azkenengoan. 80 metro hesiko proban, gainera, munduko errekorra egin zuen. Altuera jauziko finala, oso eztabaidagarria izan zen, bere taldekide zen Jean Shileyrekin berdindu zuen arren, epaileek, urrezko domina, Jeani ematea erabaki baitzuten, eta, beraz, Mildred zilarrarekin geratu zen.
Erronka berriak bilatuz, 1935ean golfa deskubritu zuen. Handik gutxira, nazioko golfari hoberenekin neurtu ahal izan zituen bere indarrak. 1938an, Los Angeleseko Irekian parte hartu zuen, gizonentzako proba zena. Bere entrenatzailea George Zaharias zen, borrokalari profesional eta kirol eragile ezagun bat, eta urte horretan Mildredekin ezkondu zen. 1942an, jokalari amateur maila lortu zuen, eta 1947an profesionalarena. Profesional bezala, emakumezkoen AEBetako irekia hiru aldiz irabazi zuen, eta Eskoziako Gullane herrian amateurren Txapelketa britainiarra irabazi zuen lehen golfari estatubatuarra izan zen. Zaharias, Golf Mundialaren Ospearen Aretoan, 1951n inskribatua izan zen. 1956an irabazi zuen azkeneko aldiz AEBetako irekia, eta, handik gutxira, minbizi baten ondorioz hil zen.
Lortutako sari nagusiak
Kanpo loturak
- (Ingelesez) Babe Didrikson Zaharias’s Legacy Fades Nytimes.com
| Aurrekoa Ez dago |
Xabalina jaurtiketako txapeldun olinpikoa 1932ko Udako Olinpiar Jokoak |
Ondorengoa Tilly Fleischer |
| Autoritate kontrola |
|
|---|
Datuak: Q231983
Multimedia: Babe Didrikson Zaharias / Q231983
- 1911ko jaiotzak
- 1956ko heriotzak
- Texastarrak
- Ameriketako Estatu Batuetako golfariak
- Ameriketako Estatu Batuetako saskibaloi jokalariak
- Ameriketako Estatu Batuetako beisbol jokalariak
- Xabalina jaurtitzaileak
- Altuera jauzilariak
- Ameriketako Estatu Batuetako atletak
- Olinpiar Jokoetako dominadunak atletismoan
- Minbiziak hildakoak