Baeserte

Basurdearen marrazkia Altamirako leizean. Basurdea Europako kultura ezberdinetan gurtua izan da

Baeserte edo Baeserta, euskal mitologiako jainkoa; Akitania erromatarrraren garaian Pirineo aldean. Berari oparitutako aldareak Gourdan-Polignan herrian, Garona Garaia eta Sosten Pirineo Garaietan aurkitu zituzten.

Ez dugu bere ezaugarrien berri, baina Baserten topatutako bere aldarean, anfora bat eta basurdea azaltzen dira.

Etimologia

Jose Migel Barandiaranek lehen aipatutako aurkikuntza kontutan hartuz zera dio; balitekela harreaman izatea basurde marrazki hau eta Baeserte izenaren artean. Hau horrela, Baeserte jainko-basurdea litzateke.

Bernardo Estornes Lasa iritzi berberekoa da.

Toponimia

• Aldaretako bat azaldutako auzoak Basert izena dauka. Toponimoak berez jainkoaren izena gorde du.
• Montréjeau herritik gertu, "Le Basert" toponimoa gorde da baita ere.

Inskripzioak

Erromatar garaiko erliebea, Germanian aurkitua. Basurdea ehiza zakur bati aurre egiten

Baeserte jainkoari botoz egindako inskripzioa, Gourdan-eko Basert auzoan aurkitua.

"Baeserte / deo / Harbelex / Harsi f(ilius) / v(otum) s(olvit) l(ibens) m(erito)."

Itzulpena: Baeserte jainkoari Harsus-en seme Harbelex-ek, gogo onez eta zuzenbidearen arabera konplitu du bere botoa.

Bibliografia

• Jose Miguel de Barandiaran, obras completas. Egilea, Jose Miguel de Barandiaran. Argitaletxea, Editorial la gran enciclopedia vasca, Bilbao 1976.
• José Miguel Barandiarán, Dictionnaire Illustré de Mythologie Basque, traduit et annoté par Michel Duvert, Donostia, éditions Elkar, 1994. ISBN 2-913156-36-3
• Enciclopedia General Ilustrada del Pais Vasco, Historia General de Euskal Herria. Argitaletxea, Auñamendi, Zarautz 1978.
• K. Larrañaga Elorza, Euskal Herria Antzinatean. Materiale eta Agiriak, UNED-Bergara, 1988, 316 or., 176 zkia.
• Julien Sacazeren lanak:

• Les Anciens dieux des Pyrénées, nomenclature et distribution géographique. Extrait de la Revue de Comminges (Saint-Gaudens), 28p., 1885.
• Inscriptions antiques des Pyrénées. Hitzaurrea M. Albert Lebèguek eginda. Tolosa, XII-576p. (Bibliothèque méridionale. 2e série,1892. ; 2). Berrargitalpena fakzimilean, Tolosa, ESPER, 1990.
• Inscriptions antiques du Couserans. Tolosa, 28p., 1892. Berrargitalpena fakzimilean, Nîmes, C. Lacour, 2001.

• Contribución a los estudios aquitano-vascos, Vahan Sarkisian.

Kanpoko loturak

(Frantsesez) Baeserte jainkoaren marrazki bat