Bakailao

Wikipedia(e)tik
Hona jo: nabigazioa, Bilatu
Bakailaoa
Iraute egoera
Sailkapen zientifikoa e
Erreinua: Animalia
Filuma: Chordata
Klasea: Actinopterygii
Ordena: Gadiformes
Familia: Gadidae
Generoa: Gadus
Espeziea: Gadus morhua
Linnaeus, 1758
Hedapen mapa

Bakailaoa (Gadus morhua) ur gazian bizi den arrain mota bat da. Ozeano Atlantikoan bizi dena 4.5—11.3 kg ingurukoa da normalean.

Izena nederlanderako bakeljauw hitzetik dator, kabeljauw hitzaren aldaera[2]. Bizkaian makallo, makallao edo makillao diote[3].

1,65 metro luze izatera iritsi daiteke eta 45 kg-ko pisua har dezake. Bizkarrean hiru hegats ditu eta isatsaldean bi; beheko baraila goikoa baino txikiagoa du, eta zakatzen azpian sabel-hegatsak izaten ditu. Soinberak, oskoldunak eta sardinak jaten ditu. Batzuetan ur azaletik hurbil ibiltzen da eta besteetan sakonera handietan, 300 metrotan edo gehiagotan. Era berean, hegoalderantz ere joaten da, itsasoaren tenperatura aldatzen denean. Bakailao emeak arrautza asko erruten ditu, bost milioi ere bota ditzake urte betean; arrautzak uretan gelditzen dira eta hortxe ernaltzen dituzte bakailao arrek. Bi asteren buruan jaio ohi dira umeak eta hauek itsaslaster batera joaten dira, harik eta zentimetro pare bat hazi eta bere kabuz bizitzeko gai diren arte. '

Bakailaoaren arrantza bi sasoitan egiten da, bata neguan, errunaldian, eta udan bestea. Itsasontziak Lofotengo itsasaldera, Islandia Hegoaldera eta Ternuara joaten dira arrantzara. Euskal arrantza ekonomian garrantzi handia izan du bakailao arrantzak, eta gauza bera gertatzen da Europan eta Ameriketan ere.

Gastronomian[aldatu | aldatu iturburu kodea]

Sukaldaritzan, oso plater ohikoa eta tradizionala da Euskal Herrian. Hemendik kanpo, Portugalen ere guztiz gustukoa dute.

Banaketa[aldatu | aldatu iturburu kodea]

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Bakailao Aldatu lotura Wikidatan