Bakio

Wikipedia(e)tik
Hona jo: nabigazioa, Bilatu

Bakio

 Bizkaia
Bakio udalerria Jata menditik.
Bakio udalerria Jata menditik.
Bakioko bandera

Bakioko armarria

Izen ofiziala Bakio
Estatua
Erkidegoa
Herrialdea
Eskualdea
Espainia
Euskal Autonomia Erkidegoa
Bizkaia
Mungialdea-Uribe Kosta
Alkatea Aitor Apraiz (EAJ)
Herritarra bakiotar
Koordenatuak 43°25′40″N 2°48′41″W / 43.42778°N 2.81139°W / 43.42778; -2.81139Koordenatuak: 43°25′40″N 2°48′41″W / 43.42778°N 2.81139°W / 43.42778; -2.81139

Bizkaia municipalities Bakio.PNG

Eremua 16,78 km2
Garaiera 4 m
Distantzia 29 km Bilbora
Posta kodea 48.130
Biztanleria 2.602 bizt. (2013)
Dentsitatea 155,07 bizt./km²
http://www.bakio.org

Bakio Bizkaiko udalerria da. 2012ko urtarrilaren 1eko datuen arabera 2.604 biztanle dauzka. Estepona ibaiak mendebaldetik zeharkatzen du herria.

Inguru naturala eta klima[aldatu | aldatu iturburu kodea]

Iparraldean Bizkaiko golkoarekin egiten du muga, mendebaldean Lemoiz eta Maruri-Jatabe herriekin, ekialdean Bermeoko udalerriarekin, eta hegoaldean Mungiarekin. Bi ibai nagusik zeharkatzen dute Estepona mendebaldean eta Ondarre ibaia ekialdean.

Herriaren erdigunea Basigo izeneko gunean dago, herriaren gainerako azaleran baserri bananduan egon ziren. 1950etik aurrera, turismoa garatu zen heinean, etxebizitza ugari eraiki ziren hondartzako gunean, gehienak Bilbotik etorritako bizilagunen udarako etxebizitzak.

Herriaren ikuspegia portutik.

Auzoak[aldatu | aldatu iturburu kodea]

Bakio honako auzoek osatzen dute: Artzalde, Bentalde, Elexalde, Gibelorratzagako San Pelaio, Goitisoloalde, Urkizaurralde eta Zubiaurralde.

Historia[aldatu | aldatu iturburu kodea]

Historian zehar herriaren jarduera ekonomiko nagusia nekazaritza izan da beti. Arrantzak garrantzi txikia izan du beti. 1927. urtean Bakiok Zubiaur eta San Pelaio auzoak bereganatu zituen Bermeorengandik. 1950eko hamarkadatik aurrera herrian aldaketak hasi ziren, etxebizitza blokeak eraiki ziren baserrien ordez, eta hondartzako gunea apartamentu eta etxe berriez bete zen.

Askotan etxebizitza berrien eraikitzeak ez zekartzan zerbitzu eta azpiegituren eraikuntza, eta horrek arazoak sortu zituen. 1990eko hamarkadatik aurrera gauzak asko hobetu dira herrian. Espaloiak eraiki dira, ur zikinak garbitzeko araztegia (Bizkaian eraiki zen lehenetarikoa), eta azken aldian Babes Ofizialeko Etxebizitzak.

Hondartza eta etxebizitza bloke berriak.

Demografia[aldatu | aldatu iturburu kodea]

Bakio XX. mendearen bigarren erdialdeko industrializaziotik kanpo geratu zen. Horren ondorioz, 1950etik 1970eko hamarkadara biztanleak galdu zituen, baina XX. mendea amaitu arte populazioa mantentzea lortu zuen. XXI. mendean, berriz, Mungiarekin eta Bilboaldearekin lotzen zituen komunikazio bideak hobetzearen ondorioz, hiriko jende askok herria bizilekutzat hartu zuen, eta abiadura azkarrean hasi zen biztanleria, kopuru osoa bikoiztu arte.


Bakioko biztanleria
1927an Zubiaur eta San Pelaio auzoak Bakiori batu zitzaizkion.
Datu-iturria: INE

Politika[aldatu | aldatu iturburu kodea]

Bakioko alkatea Aitor Apraiz da, Eusko Alderdi Jeltzalekoa.

2007ko udal hauteskundeetan EAJk 664 boto lortu zituen (845 boto 2003an) eta 6 zinegotzi, ANVk 300 boto lortu zituen eta 2 zinegotzi,[1] EAk 254 boto lortu zituen (161 boto 2003an) eta 2 zinegotzi, EB- Aralar koalizioak 123 boto lortu zituen eta zinegotzi bakarra (71 boto 2003an. Zinegotzirik lortu ez zuten alderdien artean, PPk 24 boto (55 boto 2003an eta PSE-EEk 29 boto (13 boto 2003an).

2011ko udal hauteskundeak[aldatu | aldatu iturburu kodea]

2011ko maiatzaren 22ko hauteskundeen emaitzen ondoren, EAJko Aitor Apraiz hautatu zuten alkate.

Bakioko udalbatza

Izena Zinegotziak Boto kopurua[2]
Euzko Alderdi Jeltzalea (EAJ)
6
825 (%52,28)
Bildu
5
696 (%44,11)
Euskadiko Alderdi Sozialista (PSE-EE-PSOE)
-
31 (%1,96)
Alderdi Popularra (PP)
-
26 (%1,65)

Ondasun nabarmenak[aldatu | aldatu iturburu kodea]

Jaiak[aldatu | aldatu iturburu kodea]

Ekonomia[aldatu | aldatu iturburu kodea]

Herria Bizkaiko Txakolinaren ekoizle nagusietakoa da, bai eta probintzian tradiziorik handiena duena.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1. 2003ko baliogabeko botoak 190 izan ziren eta zuri bozkatu zutenak 13. Aipagarria da baliogabeko botoek izan zuten gorakada, ezker abertzaleak hauteskundeetara aurkezturiko zerrendak Espainiako Auzitegi Nazionalak baliogabe utzi eta gero.
  2. 2011ko udal hauteskundeen emaitzak euskadi.net webgunean 2011/07/06an kontsultatua

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Bakio Aldatu lotura Wikidatan
Portal.svg
Wikipedian atari bat dago honi buruz:
Euskal Herriko Wikiatlasa