Balakovo

Balakovo
—  hiria  —
Izen ofiziala	Балаково
Estatua Barruti federala Subjektu federala	Errusia Volga Saratov oblasta
Koordenatuak	52°02′0″N 47°47′″E
Balakovo
Eremua	79 km2
Biztanleria	199.600 bizt (2010)
Dentsitatea	2.526,58 bizt/km²
Ordu-eremua	MSD (UTC+04:00)
http://admbal.ru

Balakovo (errusieraz Балаково) Saratov oblasteko hiria da. 1762an sortu zen, eta hiria da 1913tik. 2010eko erroldan 197.300 biztanle zituen. Balakovon Saratoveko zentral hidroelektrikoa dago, Volga ibaian, bai eta zentral nuklearra ere. Aireportua ere badago, baina ez da erabiltzen, eta han Drag Racing lasterketak egiten dira 2009tik.

Historia

Balakovoko historia XIII. mendean hasten da. 1738an San Petersburgoko artxiboan dokumentu bat aurkitu zen non aipatzen baitzen kosakoen jabego bat Volgatik bi “verstas”era (Errusiako antzinako neurria ≈ 1,06 km). Katalina II.aren dekretuarekin, 1782ko abenduaren 14an, hasi zen Volgako ezkerraldea populatzen. 1780an Saratov-en barnean lotu zen. 1911n Balakovo hiri bihurtu zen autonomia-estatutu izateko eskubidearekin. 1917ko iraultzaren aurretik Balakovok sei eliza zeuzkan, zazpi ikastetxe, zentral elektriko bat, F. Blinov-en burdinola, Mamin anaien lantegia, untziolak, zerrategiak, aroztegiak, zurgindegiak, errotak, ospitale publiko bat eta liburutegi bat. F. Blinov eta Mamin ospetsuak dira gurpilen gaineko ibilgailu autopropultsatua asmatzeagatik. Hiriaren itxura, batez ere, Schechtel eta Meyer-en lanen ondorioa da. Balakovo erdigune historikotik hazten hasi da eraikin berriekin; horren lekuko tren eta autobus-geltokiak. 1956tik 1971 bitartean eraiki zen zentral hidroelektrikoa; honek Volga ibaiaren ur-goraldia ekarri zuen hiriko ibarraren alde bat urpean utziz. Zentralaren ondorioz ere, hiria hazi zen eta handik gutxira 20 eraikin baino gehiago dituen konplexu-industriala sortu zen. 1985ean martxan jarri zen zentral nuklearra.

Leku turistikoak

Balakovo askotan “Volgako Venezia” deitu izan da bere kanalarengatik. Bere leku turistiko interesgarrienak XIX. eta XX.eko eraikinak dira: Anisim Maltsev jauregia, Trading House Schmidt (1911), Vladimir Golovanov-en etxandia (1912) orain museoa dena, Jacob, Ivan eta bere amaren etxeak (1910) , Stroycov-Yaquímov (1902), Merkataritza Eskola (1910), Trinidad-eko eliza (1908-1909, Schéjtel arkitektoarena) P. Máltsev etxandia (1900, Sсhéjtel arkitektoarena) eta Basil I. Chapáyev etxe-museoa.

Kirolak

Speedway SK Turbina da herriko motor-taldea.

Hiri senidetuak

• Trnava (Eslovakia),
• Pabianice (Polonia),
• Baku (Azerbaijan),
• Txerepovets (Errusia).

Biztanleria

Balakovoko biztanle kopurua (milakoetan)

Urtea	1897	1926	1939	1959	1962	1967	1970
Biztanleak	16	13	23	36	52	85	103
Urtea	1973	1976	1979	1982	1986	1989	1992
Biztanleak	117	137	151,6	165	184	197,4	202,9
Urtea	1996	1998	2000	2001	2003	2005	2006
Biztanleak	206	205,8	206,0	205,6	200,5	199,6	199,4
Urtea	2007	2008	2009	2010
Biztanleak	199,5	198,7	198,1	197,3

Kanpo loturak

• [1]
• [2]
• [3]
• [4]
• [5]
• [6]
• [7]