Baldassarre Peruzzi
Baldassare Tommaso Peruzzi (Siena, 1481eko martxoaren 7a - Erroma, 1536ko urtarrilaren 6a) Pizkundeko italiar margolari eta arkitektoa izan zen. Pinturicchiorekin lan egin zuen Sienan, eta 1503an Erromara joan zen. Pinturan, Sienako katedraleko San Giovanni kaperako freskoak egin zituen. 1508tik aurrera arkitektura lanetan jardun zuen batez ere: Villa Farnesina etxea eraiki zuen Erroman (1508-1511 bitartean). Rafael hil ondoren (1520), Erromako San Pedroko obrak egiteko lana eman zioten. Erromako Massimo alle Colonneko jauregia (1532-1536) eraiki zuen, halaber. Manierismoa bultzatu zuen Erromako arkitekturan. Pinturicchio eta Il Sodomaren eragina nabaria du bere margolanetan, eta Bramanterena arkitekturan.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q177213
Multimedia: Baldassarre Peruzzi / Q177213