Balthus

Wikipedia(e)tik
Hona jo: nabigazioa, Bilatu
Balthus, 1996.

Balthus, jaiotza-izenaz Balthasar Klossowski de Rola (Paris, Frantzia, 1908 - Rossinière, 2001), frantses pintorea izan zen.

Biografia[aldatu | aldatu iturburu kodea]

Pintoreak zituen gurasoak eta gazterik ekin zion pintatzeari, Rainer M. Rilke poetaren laguntzarekin. Errealista zen, eta hainbat erretratu eta hiriko paisaia (Kalea, 1933) margotu zituen. Garai hartan surrealistekin harremanak izan zituen, eta Giacomettiren lagun egin zen. Barnealdeko pinturak ere egin zituen, gazteen irudiak erabiliz, batzuetan erotikoak: Gitarra ikasten; Thérèse ametsetan; Egun ederrak; Gela turkiarra.

Balthusek Gustave Courberten errealismoa aldarrikatzen zuen, baina Italiako quatrocenttoaren formak erabiltzen zituen gehiago, batez ere, Piero della Francescarenak. 1970az geroztik, olio-pintura baino nahiago izan zuen mihise gaineko tenpera, bere kolore-sorta neurritsu eta dotoreari hobeto zihoakiolako. 1961etik 1976ra bitartean, Erromako Villa Mediciaren zuzendari izan zen. Dekoratu- eta jantzi-lanak ere egin zituen zenbait antzerki-lanetan: Barraultek 1948an zuzendu zuen Albert Camusen L´état de siège (Setio-egoera) antzerkian, esaterako.

Commonsen badira fitxategi gehiago, gai hau dutenak: Balthus Aldatu lotura Wikidatan

Erreferentziak[aldatu | aldatu iturburu kodea]