Bandar Abbas

Wikipedia(e)tik
Hona jo: nabigazioa, Bilatu

Bandar-Abbas

Bandar Abbas
Izen ofiziala بندر عباس
Estatua IranIran
Probintzia Hormozgan probintzia
Koordenatuak

27°11′N 56°16′E / 27.183°N 56.267°E / 27.183; 56.267Koordenatuak: 27°11′N 56°16′E / 27.183°N 56.267°E / 27.183; 56.267

Bandar Abbas non dagoen adierazten duen Iran-ko/-go/-eko mapa
Bandar Abbas
Garaiera 9 m
Biztanleria 367.508 bizt. (2006)
Telefono aurrizkia ۰۷۶۱

Bandar Abbas (persiera: بندر عباس) Irango hegoaldeko hiri eta portu bat da, Persiar golkoan. Hormozgan probintziako hiriburua eta hiri nagusia da. 2006an, 367.508 biztanle zituen.

Kostaldean dago, 9 metroko altitudean. Inguruko gunerik altuenak dira Geno mendia, 17 km iparraldera, eta Pooladi mendia, 16 km ipar-mendebaldera. Xoor ibaia Persiar golkoan itsasoratzen da hiritik 10 km ekialdera.

Ormuzko itsasartean dago, kokaleku estrategiko batean, eta Irango itsas armadaren base nagusia da. Nazioarteko aireportua du, hegazkin handiak hartzeko prestatua. Hiru unibertsitate ditu.

Klima[aldatu | aldatu iturburu kodea]

Bandar Abbsek klima bero eta hezea du, baina lehorra. Udan, tenperatura maximoa 49 °C-raino irits daiteke, eta neguan 5 °C-raino jaits daiteke. Oso euri gutxi egiten du (batez beste, 251 mm urtean), eta batez besteko hezetasun erlatiboa % 66 da.

Bandar Abbseko biztanleek persieraren dialekto bat (bandari-a) hitz egiten dute.

Datu klimatikoak (Bandar Abbas)
Hila Urt Ots Mar Api Mai Eka Uzt Abu Ira Urr Aza Abe Urtekoa
Batez besteko tenperatura maximoa (°C) 23.5 24.4 27.7 31.6 36.3 38.4 38.2 37.7 36.8 35 30.4 25.5 32.13
Batez besteko tenperatura minimoa (°C) 12.1 14 17.5 20.9 24.7 28 30.3 30.1 27.7 23.5 18 13.5 21.69
Pilatutako prezipitazioa (mm) 39.7 47.5 34.8 10.7 4.8 0.0 0.6 2.2 0.8 1.3 5.0 24.0 171.4
Prezipitazio egunak (≥ 1.0 mm) 3.3 3.1 2.6 1.3 0.2 0 0.1 0.2 0.1 0.1 0.4 2.3 13.7
Iturria: [[1]]

Historia[aldatu | aldatu iturburu kodea]

XVI. mendean, portugesak iritsi ziren eskualdera. Gotorleku bat eraiki zuten, eta merkataritza-portu gisa erabili zuten. Persiako Abbas Handiak hiria hartu zuen 1615ean, eta, geroztik, hiriak Bandar Abbas izena du (Persieraz, «bandar»ek portua esan nahi du).

Historikoki merkataritza-hiria izan da, portua duelako, eta Indiarekiko merkataritza-tradizio handia du, batez ere Surat portuarekin. 1955ean arrantzale-hiri txiki bat zen, 17.000 biztanlerekin. Portu-instalazioak hedatzeak ekarri du hiriaren hazkundea. Jotzen da gaur egun ia 500.000 biztanle dituela.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Bandar Abbas Aldatu lotura Wikidatan
  1. http://www.worldweather.org/114/c00943.htm World Meteorological Organization