Bandera gorria

Wikipedia(e)tik

Artikulu hau Bandera gorria ikurrari buruzkoa da, esanahi ezberdinentzako ikus Bandera gorria (argipena)

Bandera gorria, beste inolako ikurrik gabe, hainbat mugimendu komunista nahiz ezker muturrekok erabili dute; eta baita iraultza sozialista batzuen behin-behineko ikur gisa ere.

Bandera gorria, historikoki, "langileen haserrearen odolaren" ikurra da^[1].

Bandera gorria sozialismoa baino lehenagokoa bada ere, historikoki mugimendu ezkertiar zein komunistek erabili duten ikurra da. Ezkerreko mugimendu hainbatek, horrela, protesta ekintza desberdinetan erabiltzen dute. Komunismoari loturik, Sobietar Batasuneko bandera ikur honetan oinarritzen zen (igitaia eta mailuarekin batera). Txinako Herri Errepublikako banderarekin berdin gertatzen da. Historian zehar, halaber, euren burua komunistatzat jotzen zuten beste estatu batzuek ere bandera nazionaltzat bandera gorria erabiltzen zuten (elementu desberdinak gehituz), Khmer Gorrien Kanputxea Demokratikoa, esaterako.

[aldatu] Sozialismoarekin zerikusirik ez duen erabilera

Euren banderetan gorria darabilten herrialdeak. Laranjaz agertzen direnek, sozialismoarekin lotuta darabilte gorria.

Hainbat herrialdek bandera gorria erabiltzen dute euren bandera nazionalaren oinarri gisa. Herrialdeok banderaren kolore gorriari kutsu ezkertiar edo sozialistarik ez diote ematen. Hauen artean aipa daitezke, adibidez, Turkiakoa, Marokokoa, Singapurrekoa, Nafarroakoa eta abar luze bat.

[aldatu] Irudiak

SESBen bandera, 1980ko abuztuaren 15etik 1991ko abenduaren 25era	Txinako Herri Errepublikako bandera	Hong Kongeko bandera	Vietnamgo bandera
Mazedoniako bandera (1945-1991)	Bosnia-Herzegovinako bandera (1946-1991)	SESBeko Armada Gorriaren bandera	Nafarroako bandera
Kirgizistango bandera	Lausanneko bandera (Suitza)	Man uharteko bandera	Brigada Gorrien ikurra

[aldatu] Erreferentziak

[aldatu] Ikus, gainera

• Sinbologia komunista
• Igitaia eta mailua
• Izar gorria

Commonsen fitxategi gehiago dago honi buruz: Bandera gorria