Barbara McClintock
Barbara McClintock (Hartford (Connecticut), 1902ko ekainaren 16a - Huntington, New York, 1992ko irailaren 2a) Estatu Batuetako genetista eta botanikaria izan zen. Landareen genetikaren ikerketan aritu izan zen lanean. Cornell Unibertsitatean irakasle izan zen. Informazio genetikoa ez dela egonkorra, mugikorra baizik, eta masa genetikoaren leku aldaketak inguruko geneen jokaera alda dezakeela aurkitu zuen. 1983an Medikuntzako Nobel Saria eman zioten, masa genetikoan dauden egitura mugikorrez egindako ikerketengatik.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Barbara McClintock |