Basil Rathbone
 |
||
| Datu pertsonalak | ||
|---|---|---|
| Izen osoa | Philip St. John Basil Rathbone | |
| Jaio | 1892ko ekainaren 13a | |
| Johannesburgo (Hegoafrika) | ||
| Hil | 1967ko uztailaren 21a | |
| New York (New York, Ameriketako Estatu Batuak) | ||
| Lan nabarmenenak | Sherlock Holmes pertsonaiaren gaineko filmak; The Mark of Zorro (1940ko filma), Captain Blood (1935eko filma), The Adventures of Robin Hood (1938ko filma) | |
| Sariak | Tony Award 1948 The Heiress, aktore onena |
|
| IMDB | IMDBko fitxa | |
Basil Rathbone, izen osoz Philip St. John Basil Rathbone, aktore ingelesa izan zen. Johannesburgon jaio zen 1892ko ekainaren 13an, eta New Yorken hil 1967ko uztailaren 21ean. 1938an Oscar sarietarako izendatua izan zen If I were a King filmean egindako lanagatik. Ezaguna da oso Arthur Conan Doylek sortutako Sherlock Holmes arrakasta handiarekin zineman antzeztu izanagatik, eta hainbat filmetan bilau eta pertsonaia gaiztoak bikain itxuratu izanagatik: Sir Guy Gisbourneko gogoangarria (The Adventures of Robin Hood ), edo Esteban Pasquale kapitaina (The Mark of Zorro).
Antzerkiaren mundutik ailegatu zen Rathbone zinemara: 1911tik taulen gainean ibilia zen eta bere aurreneko filma 1921ekoa da: Innocent. Ezpatari trebea zen, eskrima zaletasun handia baitzuen eta horren lekuko zineman izandako borrokak: The Adventures of Robin Hood, Tower of London, The Mark of Zorro edota The Court Jester. Baina gaiztoarena egitea egokitzen zitzaionez film bakar batean, 1936ko Romeo and Juliet hartan, izan zen irabazle.
1936 eta 1946 bitartean hamalau film egin zituen Doyleren Sherlock Holmes pertsonaia antzeztuaz, Nigel Bruce aktorea lagun zuela Watson doktorearen itxuratzean. Lanok irratirako moldatuak izan zirenean (1939-1946) Rathbone eta Bruce ere aritu ziren horretan. Ahoskera ederreko aktorea zen Rathbone; ipuin, poema asko, eta literatur testuetako dramatizazioak grabatuak utzi zituen. Halakoetan lagun izan zuen Vincent Price aktorearekin aritu zen. Pricerekin batera 1962 eta 1964ko Roger Cormanen filmetan ikusi ahal dugu: Tales of Terror eta Comedy of Terrors.
Bihotzekoak jota Rathbone 1967an hil zen New Yorken, 75 urte zituela.
[aldatu] Filmografia
- Innocent (1921)
- The Last of Mrs. Cheyney (1929)
- The Bishop Murder Case (1930)
- The Personal History, Adventures, Experience, and Observation of David Copperfield, the Younger (1935)
- Anna Karenina (1935)
- The Last Days of Pompeii (1935)
- Captain Blood (1935)
- A Tale of Two Cities (1935)
- Romeo and Juliet (1936)
- The Garden of Allah (1936)
- Love from a Stranger (1937)
- Confession (1937)
- Tovarich (1937)
- The Adventures of Marco Polo (1938)
- The Adventures of Robin Hood (1938)
- If I Were King (1938)
- The Dawn Patrol (1938)
- Son of Frankenstein (1939)
- The Hound of the Baskervilles* (1939)
- The Adventures of Sherlock Holmes* (1939)
- Tower of London (1939)
- Rhythm on the River (1940)
- The Mark of Zorro (1940)
- The Black Cat (1941)
- Crossroads (1942)
- Sherlock Holmes and the Voice of Terror* (1942)
- Sherlock Holmes and the Secret Weapon* (1943)
- Sherlock Holmes in Washington* (1943)
- Above Suspicion (1943)
- Sherlock Holmes Faces Death* (1943)
- The Spider Woman* (1944)
- The Scarlet Claw* (1944)
- Bathing Beauty (1944)
- The Pearl of Death* (1944)
- Frenchman's Creek (1944)
- The House of Fear* (1945)
- The Woman in Green* (1945)
- Pursuit to Algiers* (1945)
- Terror by Night* (1946)
- Dressed to Kill* (1946)
- The Adventures of Ichabod and Mr. Toad (1949) (narratzailea)
- Casanova's Big Night (1954)
- We're No Angels (1955)
- The Court Jester (1955)
- The Black Sleep (1956)
- The Last Hurrah (1958)
- The Magic Sword (1961)
- Tales of Terror (1962)
- The Comedy of Terrors (1964)
- Voyage to the Prehistoric Planet (1965)
- Queen of Blood (1966)
- The Ghost in the Invisible Bikini (1966)
- Hillbillys in a Haunted House (1967)
* Sherlock Holmes pertsonaiaren gaineko filmak
