Bastida (Araba)

Wikipedia(e)tik

Hona jo: nabigazioa, Bilatu

Artikulu hau Arabako udalerriari buruzkoa da, beste esanahientzat ikus Bastida

Bastida

Araba

Izen ofiziala

Bastida

Antolaketa

Estatua
Autonomia Erkidegoa
Lurralde Historikoa
Eskualdea

Espainia
Euskal Autonomia Erkidegoa
Araba
Arabako Errioxako Kuadrilla

Posta-kodea

01330

Koordenatuak

42°35′21″N 2°47′45″W / 42.58917, -2.79583

Koordenatuak: 42°35′21″N 2°47′45″W / 42.58917, -2.79583

Garaiera

550 m

Eremua

38.17 km²

Biztanleria

1.334 (2006)

Dentsitatea

34,95 bizt/km²

Distantzia

45 km Gasteizera

Euskaldunak

%19,72 (2001)

Sorrera

1196

Herritarra

bastidar

Alkatea

Higinio Arinas Orive (EBB)

www.labastida-bastida.org

Bastida Arabako udalerria da. Arabako Errioxa eskualdean dago, hain zuzen ere, Arabako Errioxa Garaian, Gasteiztik 45 bat kilometrora. Izen bereko hiribilduak udalerriko erdialdea du kokagune.

Andra Mariren eliza eta Kristoren gotorleku-tenplua (goikaldean) udaletxeko apirikutik ikusiak

Eduki-taula

1 Geografia
- 1.1 Ingurune naturala
- 1.2 Udalerri mugakideak
2 Historia
3 Ekonomia
4 Banaketa administratiboa
5 Kultura
- 5.1 Hizkuntza
- 5.2 Jaiak
6 Ikustekoak
7 Bastidar ezagunak
8 Ikus, gainera
9 Kanpo loturak

[aldatu] Geografia

[aldatu] Ingurune naturala

Kantabria mendilerroaren hegoaldean kokatzen da, Toloño mendiaren (1.271 m) hego-magalean, Ebro ibaiaren ezkerraldean. Udalerriko erliebea laua da orokorrean, iparraldean ezik, bertan garaiera handieneko eremuak daudelarik.

[aldatu] Udalerri mugakideak

Iparraldean: Arabako Urizaharra eta Zanbrana.
Hegoaldean: Errioxako Briones, Gimileo eta San Vicente de la Sonsierra.
Ekialdean: Arabako Urizaharra eta Errioxako San Vicente de la Sonsierra.
Mendebaldean: Errioxako Briñas eta Haro.

[aldatu] Historia

Herriaren kokagunea Erdi Aro goiztiarreko Toloñoko gazteluarekin erlaziona daiteke. Hortaz, Bastidak kutsu militar handia izan zuela baiezta daiteke.

Nafarroako Antso VII.ak forua eman zion hiribilduari 1196an.

Alfontso VIII.ak Gaztelarako konkistatu zuen 1200. urtean, Arabako inbasioaren ondorioz.

XVII eta XVIII. mendeetan 3.000 bizilagun inguru omen zeuden herrian.

Espainiako Gerra Zibilaren garaian ia 30 bastidar hil zituzten ezkerraren aurkako kolpe batean. Haien gorpuak oraindik ez dira aurkitu, Pancorbo aldeko errepide nazionalaren azpian daudela susmatzen bada ere.

[aldatu] Ekonomia

Bastidako ekonomiaren gaur eguneko motor nagusia ardogintza da. Bastidar askok ardoaren inguruko negozioan dihardu.

[aldatu] Banaketa administratiboa

Bastidako udalerria bi herriz osatua dago:

Bastida (udalerriko hiriburua)
Buradon Gatzaga

[aldatu] Kultura

[aldatu] Hizkuntza

Gaur egun gaztelania da nagusi. Ezin dugu zehaztu bertako jatorrizko euskara desagertu zen garaia. Hala ere, Bastidako euskararen desagerpena nonbait IX. eta XVI. mendeen artean kokatzen da.

Udalerrian ikastola badago, Bastida Ikastola izenekoa. Halaber, Araba Euskaraz hiru aldiz ospatu da Bastidan, 1989, 2004 eta 2008an.

[aldatu] Jaiak

Abenduaren 24an Artzainen Festa ospatzen da, interes turistikoa duena.

[aldatu] Ikustekoak

Bastidako ikuspegi panoramikoa

Jasokundeko Andra Mariren eliza aurki daiteke, XVI eta XVIII. mende artean eraikia, Pizkunde eta Barroko estiloei jarraiki. Batez ere, ikustekoak dira atari nagusia eta barnealdea, non erretaula barrokoa dagoen.
Larrazuriaren Arkua, antzinako harresiaren atean kokatua, Ama Birjina eta Bastidako armarria erakusgai dituena.

[aldatu] Bastidar ezagunak

Domingo Salazar (1522-1594), praile dominikoa, Filipinetako lehen gotzaina.
Manuel Quintano (1756-1818), elizgizon eta ardogilea

[aldatu] Ikus, gainera

[aldatu] Kanpo loturak