Batista Oliden

Batista Oliden
Bizitza
Jaiotza	Orio, 1925
Herrialdea	Gipuzkoa, Euskal Herria
Heriotza	Orio, 1998ko abuztuaren 30a (72/73 urte)
Hezkuntza
Hizkuntzak	euskara gaztelania
Jarduerak
Jarduerak	arraunlaria

Batista Oliden Tolosa (Orio, 1925 – Orio, 1998ko abuztuaren 30a) euskal arraunlari handienetakoa izan zen Kontxako 13 Bandera irabazi baitzituen, guztiak arraunlari lanetan.

Kirol ibilbidea

Orioko Ortzaika auzoan jaio zen Batista Oliden. Bere kirol ibilbidea Orioko traineruari loturik egon zen hiru hamarkadatan eta berarekin lortu zituen Kontxako 9 Bandera eta hainbat Espainiako txapelketa, traineru, trainerilla zein bateletan.

Baditu ordea beste hiru bandera talde desberdinekin lortuak. 1950an Zierbena zen Bandera irabazteko faborito argia. Gipuzkoarrek orduan selekzio bat egin zuten eta Donostiako Esperanza taldearen izenean Bandera eskuratzea lortu zuten. Traineru hartan zazpi arraunlari baino ez ziren donostiarrak, eta gehitu zitzaizkien arraunlarien artean hainbat oriotar baziren, tartean Batista Oliden.

1957 eta 1960 urteetan Oriok trainerurik ez ateratzea erabaki zuen eta hainbat oriotar arraunlarik Aginagaren traineruan egin zuten arraun eta urte bietan Kontxako Bandera eskuratu zuten. Han zen Batista Oliden ere.

Palmaresa

• Kontxako Banderak (13): 1939, 1940, 1942, 1944, 1950, 1951, 1952, 1953, 1955, 1957, 1958, 1960, 1964.
• Espainiako Traineru Txapelketak (4): 1945, 1951, 1952, 1955.
• Espainiako Trainerilla Txapelketak (3): 1952, 1953, 1954.
• Espainiako Batel Txapelketak (2): 1951, 1952.

Ikus, gainera

• Orio Arraunketa Elkartea
• Kontxako Bandera

Bibliografia

• Orio en el Remo, 75 años de historia, Luis Azcue Aldaz

Kanpo loturak

• (Gaztelaniaz) Auñamendi Eusko Entziklopedia.
• (Gaztelaniaz) La bancada del Remo.

• Datuak: Q16516510