Beefeater

Beefeater (euskaraz Txekor haragi jaleak) ofizialki Yeomen zaindariak izendapenez deituak (ingelesez Yeomen Warders of Her Majesty's Royal Palace and Fortress the Tower of London) usadioz Londresko dorreko Yeomen zaindaria da. Bere zeregina teorikoki Londresko dorrean egon daitezkeen presoak nahiz Britainiar Koroako Bitxiak zaintzea da, nahiz eta gaur egun praktikan dorrera datozen turisten gidari lanak burutzen dituen.

1485. urtean Londresko dorreko zaindari lanetan hasi ziren. Gaur egun guztira 35 zaindari eta buruzagi bat dira. Denak Britainiar Armadan gutxienez 22 urtez zerbitzutakoak dira, gainera zerbitzu iraunkorraren eta jokabide onaren dominen jabeak izan behar dute.