Begi-lauso

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Begi-lausoa giza begian

Katarata-ebakuntza

Begi-lausoa, katarata edo soilik lausoa gaixotasun oftalmologikoa da, begien aurreko segmentuan dagoen kristalinoa opaku bihurtzen edo lausotzen duena. Itsutasunaren lehenengo kausa da mundu osoan. Osoa edo partziala izan daiteke. Mota ezagunena pertsona zaharren begi-lausoa da (55 urtetik gorakoetan maiz gertatzen da, zelula hilak kristalinoan metatzearen ondorioz), baina badira sortzetikoak eta gaixotasun metabolikoen (diabetesa, hipokaltzemia) eraginez sortutakoak ere.

Ezaugarri nabarmenenak

• Ikusmena gutxitzea
• Gauzak bikoiztuta ikustea
• Miopia
• Orbanak agertzea.

Zergatiak

• Eguzkiak egindako gehiegizko esposizioa.
• Diabetesa.
• Adin handia.
• Eragile genetikoak.
• Traumatismoa.

Tratamendua

1917an Ignacio Barraquer kataluniarrak kataraten ebakuntzarako teknika berria abiatu zuenetik, sendabide erabiliena oftalmologoek egindako ebakuntza da.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.