Béla Kun
Wikipedia(e)tik
(«Bela Kun» orritik birbideratua)
Bela Kun hungariar politikaria izan zen (Szilagycsen, Transilvania, 1886 - SESB, 1939 inguruan). Karolyi kondearen gobernuak aginpidea utzi zuenean, komunisten eta sozialdemokraten arteko koalizio-gobernu baten buru jarri zen. Sozialismoa ezarri zuen, eta Armada Gorria antolatu. Eslovakiari eraso zion, baina aliatuek alde egitera behartu zuten. Kontrairaultza bat izan zen haren aurka, eta Errumaniako armada Hungaria hartzekotan zela, aginpidea utzi behar izan zuen eta SESBra ihes egin (1920). Stalinek trotskistatzat jorik, kartzelan edo Siberian hil bide zen.
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
