Beneditar

Wikipedia(e)tik
Hona jo: nabigazioa, Bilatu
San Benedikto Nursiakoa (480?-543), XV. mendeko margolan batean.

Beneditarrak VI. mendean sortutako ordena erlijioso katolikoa da, San Benedikto Nursiakoaren arauak jarraitzen dituzten erlijiosoek osatutakoa[1]. Confœderatio Benedictina Ordinis Sancti Benedicti delakoa 1883an abiatu zuten nazioarteko erakunde gisan.

Monte Cassinoko (Italia) monasterioa santuak sortutako lehendabizikoa izan zen. Oso nabarmena da, halaber, 910ean eratutako Clunyko abadia (Borgoina). Gizonezkoen ordenarekin batera emakumezkoena ere badago, San Benitoren arreba Santa Eskolastikak sortutakoa.

X. eta XI. mendeetan garrantzi handikoa izan zen monasterioa; XII. mendean zistertarren erreforma Clunyko izpirituaren jarraitzaile izan zen alderdi askotan. Garai horretan garrantzi gutxiagoko ordenak agertu ziren, beneditar enborretik aldendurik: kamaldoliarrak, silbestriarrak, olibetarrak... XV. mendean ordena indartu egin zen. Erreforma protestantearen ondorioz monasterio asko suntsiturik geratu zen eta Trentoko kontzilioak monasterioko bizitza bizkortu nahi izan zuen kongregazio berriak sortuz, horien artean Frantziako Sain-Vanne eta Saint-Maur nabarmendu zirelarik. XIX. mendearen lehen erdian herrialde askotatik egotzitako fraideak berriz agertu eta monasterioak indarberritu egin ziren, hala nola Frantzian dom Guéranger-i esker (1833) eta Alemanian Wloter anaien lanen ondoren (1863). Joan den mendearen erditsuan Ameriketan eta Australian ere finkatu ziren. 1893an Leon XIII.ak beneditar kongregazio guztiak konfederazio batean bildu zituen; harrezgero «San Benitoren ordena» deiturikoa abade buru baten mende dago, Erroman egoitza duen abade horren ahalmenak oso mugatuak badira ere.

Euskal Herrian[aldatu | aldatu iturburu kodea]

Hego Euskal Herrian hiru monasterio beneditar daude gaur egun, Lazkaoko Santa Teresa monasterioa eta Oñatin (Gipuzkoa) eta Leirekoa (Nafarroa).

Iparraldean bestela oso nabarmentzekoa da Belokekoa (Lapurdi).

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Beneditar Aldatu lotura Wikidatan