Bering (itsasoa)
| Bering itsasoa | |
|---|---|
  Bering (itsasoa) Bering (itsasoa) (Ozeano Barea) | |
 | |
| Ozeanoa | Ozeano Barea |
| Eskualdea | Errusia AEB |
| Kontinentea | Asia Ipar Amerika |
| Koordenatuak | 58°N 178°W / 58°N 178°W |
| Azalera | 2.292.000 kilometro koadro |
Bering edo Bering itsasoa[1] (errusieraz: Берингово море, Beringovo More) Ozeano Barearen iparraldeko muturreko besoa da, Asia eta Ipar Amerika bereizten dituena[2]. Izena Vitus Bering esploratzaile daniarrarengandik datorkio.
Geografia[aldatu | aldatu iturburu kodea]
Ozeano Barearen iparraldeko muturrean dago, Asia ipar-ekialdearen eta Amerika ipar-mendebaldearen artean. Ekialdean Alaska, ipar eta mendebaldean Kamtxatka eta Siberia eta hegoaldean Alaskako penintsula eta Aleutiar uharteak ditu. Bering itsasarteak lotzen du Ozeano Artikoarekin[3]. Bi milioi kilometro koadroko eremua dauka.
Bering itsasoko uharte nagusiak honako hauek dira:
- Pribilof uharteak
- Komandante uharteak, tartean Bering uhartea
- San Laurendi
- Diomedes uharteak
- King uhartea
- Saint Matthew uhartea
- Karaginski uhartea
Historia[aldatu | aldatu iturburu kodea]
Azken glaziazioan, hain zen baxua itsas maila non Asiako tribu batzuk Ipar Amerikara oinez migratu baitziren, gaur egungo Bering itsasartea zeharkatuz.
Erreferentziak[aldatu | aldatu iturburu kodea]
- ↑ Euskaltzaindia. Europako toponimia fisikoa. .
- ↑ Bering Sea and Strait Global.britannica.com
- ↑ Lur entziklopedietatik hartua.
