Bernard Tschumi

Wikipedia(e)tik
Hona jo: nabigazioa, Bilatu

Suitzar arkitektoa (Lausana, 1944). Aita Jean Tschumi arkitektoa zuen (1904-1962). Züricheko Eskola Politekniko Federalean ikasi zuen. Ondoren, irakasle izan zen Ingalaterran, Londresko Arkitektura Elkartean, eta orobat Estatu Batuetan, Architecture and Urban Studieseko Institutuan eta Princetongo unibertsitatean. Arkitekturaren teorialaria da, eta hainbat lan idatzi ditu, horietako asko Architecture and Disjonction lanean bilduak. 1983an, la Villetteko parkea (Paris) berritzeko lehiaketa irabazi zuen. Tschumik galeria luze bat eraiki zuen, Zientzien gunera eramaten duena, eta aisiarako hainbat gune eraiki zituen inguruan. Horrez gainera, Marne-la-Valléen, Parisko aldirietan, arkitektura-eskola bat sortu zuen, eta gaur egungo Arte Estudio Nazionala, Tourcoingetik hurbil. Tschumik arkitektura beste diziplina batzuekin lotzen du, hala nola zinemarekin, literaturarekin edo filosofiarekin.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Bernard Tschumi Aldatu lotura Wikidatan

(Ingelesez) http://www.tschumi.com/

Erreferentziak[aldatu | aldatu iturburu kodea]