Betiko loa

Wikipedia(e)tik
Hona jo: nabigazioa, Bilatu
Betiko loa
Egilea Raymond Chandler (1939)
Generoa Eleberria
Datuak
Jatorrizko izenburua The Big Sleep
Jatorrizko hizkuntza ingelesa
Argitaratzailea Alfred A. Knopf
Herrialdea AEB
Euskaraz
Izenburua Betiko loa
Itzultzailea Iñaki Ibañez
Argitaratzailea Igela (1995)
Bilduma Sail beltza
Orrialdeak 294
ISBN ISBN 978-84-87484-21-6

Betiko loa (The Big Sleep) Raymond Chandlerek 1939an idatzitako eleberri beltza da. Protagonista Philip Marlowe detektibea da, Raymond Chandleren pertsonaiarik ezagunena.

Argumentuaren ezaugarri nagusia konplexutasuna da. Izan ere, badaude izaera biko pertsonaia asko, baita narrazioan zehar azaltzen diren sekretuak ere. Izenburua heriotzaren eufemismoa da, liburuan “betiko loa egiteari” buruzko hausnarketa agertzen baita.

Argumentua[aldatu | aldatu iturburu kodea]

Sternwood jeneralak Philip Marlowe kontratatzen du Geiger izeneko liburu-saltzaile bat xantaia egiten ari zaiolako bere alaba Carmeni buruz. Jeneralaren beste alabak uste du bere aitak detektibea kontratatu duela etxetik alde egindako senarra aurkitzeko. Geiger bere apartamentuan tirokatuta hil denean, Carmen biluzik eta drogaturik han dagoelarik, Philip Marlowek badaki bere ikerketak hasi baino ez du egin.

Pertsonaiak[aldatu | aldatu iturburu kodea]

  • Philip Marlowe: detektibea.
  • Sternwood jenerala: Marlowe kontratatzen du.
  • Carmen Sternwood : jeneralaren alaba txikia.
  • Vivian Regan: jeneralaren alaba nagusia.
  • Rusty Regan: Vivianen senarra. Etxetik alde egin omen zuen Eddie Marsen emaztearekin.
  • Bernie Ohls: Barrutiko fiskalaren laguntzailea. Marloweren adiskidea.
  • Arthur Gwynn Geiger: Liburu-saltzailea. Xantaia egiten dio jeneralari, Carmeni buruz.
  • Joe Brody: Carmenen maitale ohia. Xantaia egiten dio jeneralari.
  • Eddie Mars: kasino baten jabea. Txantaje-egilea.
  • Mona Mars: Eddie Marsen emaztea. Etxetik alde egin omen zuen Rusty Reganekin.

Zinema[aldatu | aldatu iturburu kodea]

1946an Howard Hawks estatubatuar zinema zuzendariak eleberri honetan oinarritutako The Big Sleep filma estreinatu zuen, bertan Humphrey Bogart eta Lauren Bacall aktoreak protagonista izan zirelarik.