Betsabe

Betsaberen bainua, Cornelis van Haarlemen koadroa

Betsabe (hebreeraz: Bath-Seba) edertasun handiko emakume israeldarra da, Uriasen emaztea, Bibliaren arabera. Behin, bainua hartzen ari zela atzeman zuen David erregeak. Beretzako hartu nahi zuenez, Urias ofiziala gudura bidali zuen bertan hil zedin. Erregearekin ezkondurik, Salomon eta beste hiru seme eman zizkion (II Samuel, XI-XII). Betsaberen bainua pintore askoren inspirazio-iturri izan da (Rafael, Cranach, Rembrandt, Lucas Jordán, William Blake eta Van Haarlem).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.