Beverly Hills Cop II
Beverly Hills Cop II (euskaraz Beverly Hillseko Polizia II) 1987ko Tony Scott estatubatuar zinema zuzendariaren akziozko komedia filma bat da. Eddie Murphy, Judge Reinhold, Jürgen Prochnow, Ronny Cox, John Ashton, Brigitte Nielsen, Allen Garfield, Dean Stockwell, Gil Hill, Gilbert Gottfried, Paul Reise, Hugh Hefner eta Tom Bower aktoreek antzeztu zuten.
1984ko Beverly Hills Cop filma arrakastatsuaren jarraipena da, era berean, 1994an Beverly Hills Cop III izeneko jarraipena izan zuen. Hiruak ere Los Angeles hirira lekualdatua izan den Detroit hiriko Axel Foley (Eddie Murphy) detektibe lotsagabearen ikerketa eta gorabeheretan oinarrituak.
Aski ezaguna den doinua eta Beverly Hills Cop film saileko ikurra den "Shakedown" abestiari esker Jatorrizko abesti onenaren Oscar Saria eta Abesti onenaren Urrezko globo Sariaren izendapenak jaso zituen.
Argumentua
Detroit hiriko Axel Foley (Eddie Murphy) detektibea telebista bidez bere laguna den Beverly Hillseko polizia departamenduko Andrew Bogomil kapitaina emakume batek tirokatu duela jakingo du. Andrew ospitalera bisitatzera doanean, haren alaba Jan ezagutuko du. Bere lagunak diren Billy Rosewood (Judge Reinhold) detektibea eta John Taggart (John Ashton) sarjentuaren bidez tiroketa horren erruduna topatzen saiatuko da, nahiz eta departamenduko buruzagi nagusia den Harold Lutz aluak (Allen Garfield) bi agente horiek kaleratzeko aitzaki baten bila etengabe jardun izan. Axel eta bere bi lagunek eremu guztian jazo diren "abedearen banku lapurretak" Maxwell Dent (Jürgen Prochnow) arma-trakikatzaileak gauzatuak direla jakingo dute, hark Karla Fry (Brigitte Nielsen) neskalaguna Bogomil kapitaina hiltzera bidali zuelarik, bere arrastoaren atzetik baitzebilen.
Aktoreak
- Eddie Murphy: Axel Foley detektibea
- Judge Reinhold:Billy Rosewood detektibea
- John Ashton: John Taggart detektibe sarjentua
- Jürgen Prochnow: Maxwell Dent
- Ronny Cox: Andrew Bogomil kapitaina
- Brigitte Nielsen: Karla Fry
- Allen Garfield: Harold Lutz buruzagia
- Brian O'Connor: Biddle
- Dean Stockwell: Charles "Chip" Cain
- Paul Reiser: Jeffrey Friedman detektibea
- Gilbert Hill: G. Douglas Todd inspektorea
- Tom Bower: Russell Fielding
- Paul Guilfoyle: Nikos "Nik" Thomopolis
- Robert Ridgely: Ted Egan alkate
- Tommy 'Tiny' Lister: Orvis
- Chris Rock: Playboy etxaldeko morroia
- Hugh Hefner: bere burua antzeztuz
- Ola Ray: Playmate modeloa
- Gilbert Gottfried: Sidney Bernstein
- Robert Pastorelli: Vinnie
- Glenn Withrow: Willie
- Larry Fox: Connor