Biarritz-Angelu-Baionako aireportua

Biarritz-Angelu-Baiona
NAGE: BIQ - NAZE: LFBZ
Informazioa
Aireportu mota	publikoa
Hiria	Biarritz, Lapurdi (Frantzia)
Garaiera	74 m
Koordenatuak	Biarritz-Angelu-Baionako aireportua Biarritz-Angelu-Baionako aireportua, 43°28′5″N 1°31′52″W
Pistak
Norabidea	Luzera (m)	Gainazala
09-27	2.250	Asfaltoa
Estatistikak (2012)

Biarritzeko aireportua Biarritz eta Angeluko udalerrien artean dagoen aireportua da.

Ezaugarriak

Barneko ikuspegia

1950eko hamarkadan zehar sortu zen. Gaur egun Biarritzeko aireportua Lapurdi, Gipuzkoa eta Landetako biztanleek erabiltzen dute, nazioarte mailan dituen hegaldi kopuru handiarengatik. Donostiatik nahiko hurbil kokatzen da Biarritzeko aireportua eta urtero milaka dira aireportua erabiltzen duten biztanle gipuzkoarrak. Donostia eta Biarritz bitartean bada autobus zerbitzua gaur egun.

Azken hamarkadan Donostia eta Baiona bitarteko Euskal Hiriaren kontzeptua garatuz joan den heinean, asko izan dira Donostiako aireportua itxi eta eskualderako aireportu bakarra uztea eskatu dutenak. Dena den, ia ezinezkotzat jotzen da aireportu bakarra uztea, Donostiako aireportua eta Biarritzeko aireportua bi lurralde ezberdinetan aurkitzen direlako, eta bi lurralde horiek aireportu biak mantendu nahi dituztelako.

Ezaugarri teknikoak

Terminalak pista bakarra dauka, 09-27 pistak guztira 2.250 metroko luzera dauka. Terminalaren alboan, aparkaleku bat dago, lehen 30 minutuetan aparkatzea doakoa delarik. Aireportuaren IATA kodea BIQ da, eta ICAO kodea LFBZ.

Aireportuan dauden hegazkin konpainiak

Azken urteetan Europako aireportu askotan gertatu bezala, kostu-baxuko hegaldiek gero eta garrantzia handiagoa dute Biarritzko aireportuan. Horrela, Ryanair hegazkin konpainia irlandarrak hainbat hegaldi eskaintzen ditu. Hauek dira aireportua erabiltzen duten hegazkin konpainiak.

Hegaldiak
Air France: Maarseilla, Paris-Orly Air France Régional konpainiaren bitartez: Lyon Udan: Geneva, Niza easyJet: Paris-Charles de Gaulle Udan: Londres-Gatwick, Lyon Ryanair: Londres-Stansted Udan: Brusela Hegoaldea-Charleroi, Dublin, Stockholm-Skavsta SAS: Udan: Kopenhage Thomas Cook Airlines: Udan: Brusela Transavia: Udan : Rotterdam Volotea: Udan: Estrasburgo, Lille

Estatistikak

Biarritz-Angelu-Baionako nazioarteko aireportuko bidaiari kopuruaren bilakaera 2000-2012

Eguneratua: 2013ko maiatzaren 2a.

Urtea	Bidaiariak	Urtea	Bidaiariak
2001	790.631	2007	930.880
2002	778.767	2008	1.028.006
2003	799.914	2009	1.011.589
2004	786.373	2010	989.622
2005	817.083	2011	1.032.937
2006	865.601	2012	1.084.200

Ikus, gainera

• Euskal Herriko aireportuak bidaiarien arabera

Kanpo loturak

• (Frantsesez) Aireportuaren webgunea.