Bihotz-gutxiegitasun

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Bihotz-gutxiegitasuna (Insuffisance cardiaque frantsesez eta Insuficiencia cardíaca gaztelaniaz) betetze bolumen normal batetik abiatuz behar tisularrei erantzuteko bihotzaren ezintasuna da. Barne medikuntzan eta kardiologian gaixotasunik ohikoenetarikoa da. Historikoki "bihotzeko asma" ere deitu izan diote.

Kontzeptualki bihotzak huts egiten duenean erabiltzen da, izan ere bihotz gaixotasun guztiek amankomunean duten azken puntua da bihotz gutxiegitasuna.

Gure inguruan hipertentsio arterialaren ondorio dira bihotz gutxiegitasunen %75, iskemia miokardikoa izanik bigarren determinatzaile garrantzitsuena.

Hiru mota ditugu kaltearen kokapenaren arabera: Ezkerrekoa, eskuinekoa edo alde bietakoa. Bihotzaren funtzioari dagokionez: Sistolikoa edo diastolikoa.

Eragileak

• Anemia.
• Arritmiak.
• Hipertentsioa.
• Infekzioak.
• Iskemiak.

Sintomak eta zeinuak

Sintoma nagusia arnasestua da. Eskuineko gutxiegitasuna egonez gero, hankak handituta (edemak) ere nabaritu ditzake gaixoak.

Zeinuen artean, bestela, biriketako auskultazioan hots krepitatzaileak entzuten dira askotan.

Diagnostikoa

• Anamnesia eta miaketa fisikoa.
• Erradiografia bularretakoa.
• Ekokardiograma.

Tratamendua

• AEKI (Angiotentsionaren Entzima Konbertitzailearen Inhibitzaileak).
• Digoxina.
• Diuretikoak.