Bilbo Zaharra

Bilbo Zaharra

Herrialdea Probintzia Udalerria	Euskal Herria Bizkaia Bilbo
Azalera	0,21 km²
Garaiera	21 m
Biztanleria	2.894
Dentsitatea	13.781 bizt / km²
Posta kodea	480XX

Bilbo Zaharra Bilboko auzoa da. Ibaiondoko barrutian kokatzen da, bostgarren barrutian alegia. Auzoak 2.894 biztanle eta 0,21 kilometro karratu dauzka (2006an Bilboko udalak emaniko datuen arabera. Auzoa Ibaizabal ibaiaren mendebaldean kokaturik dago, San Frantziskorekin batera, eta hiriaren gune zaharra osatzen dute.

Urteetan zehar Miribillako meatzaritzaren jarduerarekin bat joan zen auzoaren bilakaera, bertan auzoko jende ugari lanean aritzen zelarik. Langileri auzo izaera horrekin batera, XIX. mendetik prostituzioa eta bestelako jarduerak zabaltzen joan ziren. Horrek auzoaren egoeraren okertzea ekarri zuen. 1980ko hamarkadan drogak arazo handiak sortu zituen, Bilboko hiriak bizi izan zuen gainbeheraren adierazle. Ordutik, udalak hainbat ekimen martxan jarri ditu auzoaren bizi-kalitatea hobetzeko. Horretarako 1990eko hamarkadaren erdialdean San Frantziskorekin batera, biziberritze plangintza bat osatu zen. Honen bitartez, etxebizitzak zaharberritu, plaza berriak eraiki eta langabezia gutxitzeko ekimenak aurrera atera dira.

Immigrazioa

Gaur egun, Bilbo Zaharra, etorkin gehien biltzen duen Bilboko auzoa da San Frantziskorekin batera. Etxebizitzen prezio merkeek, Bilbora datozen etorkinak euren bizitokiak auzo hauetan ezartzera eraman dituzte.

Ondarea

Iruditegia

San Antongo zubia, Zazpikaleak eta Bilbo Zaharra lotzen dituena.
Bilbo Zaharreko Martzana kaiko ikuspegia.
Sehaska-etxea.

Kanpo loturak

(Gaztelaniaz)(Ingelesez)"Barrios Altos" webgunea

Euskarazko Wikipedian bada atari bat, gai hau duena:
Bilbo