Biratnagar

Biratnagar
Ilunabarra Biratnagarren
Nepaleraz	बिराटनगर
Estatua	Nepal
Zona	Koshi Gunea
Koordenatuak	26°28′N 87°16′E
Biratnagar
Biztanleria	696,636 bizt. (2009)

Biratnagar (nepaleraz बिराटनगर) Nepalgo bigarren hiria da eta Ekialdeko eskualdeko hiri handiena bere 696.636 biztanlerekin (2009). Nepalgo hiri industriala dela esan ohi da baina arroz soro zabalak ere baditu.

Etimologia

Izenak nepaleraz bi hitz elkartzen ditu, "Birat" (handia) eta "Nagar" (hiria), beraz itzulpena "hiri handia" litzateke.

Klima

Terai lautadaren ekialdean kokaturik dago, Ganges ibaiaren arroan. Klimari dagokionez uda oso bero eta hezeak ditu, 40 Â°Ctik gora igo ohi da tenperatura, baina neguak hotzak dira eta hezetasunaren ondorioz behe-lainoa ohikoa izaten da.

Fauna eta flora

Koshi Tappu Basabizitzaren Erreserba hiritik gertu dago. Hegaztizaleen paradisua da, 485 hegazti zerrendatu baitituzte, eta hegaztiez gain Nepalen "Arna" bufalo basatiak ere badaude. Hiritik 4 ordutara Nepalgo rhododendron basorik handiena aurki dezakegu Tinjure herrian.

Erlijioa

Erlijio nagusia hinduismoa da, baina badaude musulmanak, budistak eta kristauak ere.