Bird on a Wire (filma)
Bird on a Wire (euskaraz Txoria Kablean) 1990eko John Badham ingeles-estatubatuar zinema zuzendariak zuzendutako ekintza komedia film bat da. Mel Gibson, Goldie Hawn, David Carradine eta Bill Duke aktoreek antzeztu zuten.
Izenburuak Leonard Cohen kantautorearen Bird on a Wire abestiari aipamen egiten dio. Filmaren zatirik handiena Kanadako Britainiar Columbian filmatu zen.
Argumentua
Rick Jarmin (Mel Gibson) AEBetako lekuko babestuen programaren barnean eta ezkutatzeko nortasun ugariren izenpean bizi den gizasemea da. Bere kokalekua topatu eta atzetik berau akatu asmoz dabilen kriminal erakundearengandik ihesi dabilela, Marianne Graves (Goldie Hawn) neskalagun ohiak aurkituko du.
Rick eta Marianne herrialdean barna elkarrekin ihes egingo dute, bitartean Eugene Sorenson (David Carradine) buru duten erakunde arrakitsuko morroiak atzetik jarraika izango dituzte, berriki espetxetik atera eta hura zigortzeko epaiketan lekukoa izan zen Rickez mendekatu nahi baitu. Ihesaldian zehar bikoteak iraganeko oroitzapenak biziberritu eta azkenean bien arteko amodioa berpiztuko da.
Aktoreak
- Mel Gibson: Rick Jarmin
- Goldie Hawn: Marianne Graves
- David Carradine: Eugene Sorenson
- Bill Duke: Albert Diggs
- Stephen Tobolowsky: Joe Weyburn
- Joan Severance: Rachel Varney
- Jeff Corey: Lou Baird
Kanpo loturak
- Bird on a Wire filmaren iragarkia ikusgai. Youtube.com (Ingelesez)
- Bird on a Wire filmaren IMDBko fitxa irakurgai (Ingelesez)