Bizkaiko Batzar Nagusiak

Bizkaiko Batzar Nagusiak Juntas Generales de Bizkaia
Demokraziako 8. legealdia
Mota
Mota	Foru lurraldeko ganbera
Zuzendaritza
presidentea	Ana Madariaga, EAJ 2007-tik
Osaketa
Kideak	51
Alderdi politikoak	EAJ, Bildu, PSE-EE, PP
Hauteskundeak
Azken hauteskundeak	2011
Biltzar lekua
Gernikako Batzar Etxea, Gernika-Lumo
Webgunea
Webgune ofiziala

Euskal Herriko armarria lorategietan.

Bizkaiko Batzar Nagusiak Bizkaiko euskal foru lurralde historiko honen legebiltzar eta organo-legegile nagusia dira.

Gernika udalerrian dagoen Batzarretxean dute egoitza nagusia eta bertan dago Gernikako Arbola.

Historia

Erdi Aroan, Bizkaiko Jaurerrian lurralde hauek zeuden, batzar propioak zituztenak: Lautada edo Tierra llana, Enkarterri (Avellanedan juntetxea egonda), Durangaldea edo Durangoko merinaldea (Gerediagako batzartokiarekin), uriak edo hiribilduak (Balmaseda, Bermeo, Durango, Ermua, Gernika, Lanestosa, Lekeitio, Markina, Ondarroa, Otxandio, Plentzia eta Portugalete) eta Urduñako hiria.

1876an batzarrak desegin zituzten, foruekin batera, eta 1979 arte ez zituzten berrezarri.

Eraikina

Sakontzeko, irakurri: Gernikako Batzarretxea

Batzarretxea Antonio Etxebarria jaunak eraiki zuen XIX. mendean (1826-1833). Estilo neoklasikokoa da, erdigune gisa Andre Mari Zaharra eliza du, eta gaur egun Bizkaiko Batzar Nagusietako Bilkura Aretoa da. Batzarretxearen gela batean beirate ikusgarria dago, 235 metro koadrokoa, gela oso osorik estaltzen du. Kanpoaldeko lorategian Gernikako Arbola dago. Arbola horrek, Euskal Herriaren historiaren eta berorren erakundeen sinboloa da. Betikotasuna adierazteko, arbola zaharraren enborra, gaur eguneko arbola eta kimu berria daude.

Zereginak

• Bizkaiko Foru Aldundiaren kontrola egitea.
• Ahaldun edo Diputatu nagusia aukeratzea.
• Foru arauak bideratzea.
• Lurralde historikoaren aurrekontuak onartzea.

Osaketa 2011-2015 legintzaldian

51 batzarkide edo biltzarkidek osatzen dute Bizkaiko legebiltzarra, eskualde hauen arabera aukeratuta: Bilbok 16, Enkarterrik 13, Busturia-Uribek 13 eta Durango-Arratiak 9 batzarkide ematen dituzte.

Aulki banaketa

2011-2015eko legegintzaldian horrela banatzen dira:

• EAJ - Eusko Alderdi Jeltzalea - 22 batzarkide
• Bildu - 12 batzarkide
• PSE-EE - Euskadiko Alderdi Sozialista - Euskadiko Ezkerra - 9 batzarkide
• PP - Alderdi Popularra - 8 batzarkide

Mahaia

• Lehendakaria - Ana Madariaga (EAJ)
• Lehenengo lehendakariordea - Koldo Mediavilla (EAJ)
• Bigarren lehendakariordea - Begoña Gil (PSE-EE)
• Idazkariak - Jon Andoni Atutxa (EAJ) eta Carlos Olazabal (PP)

Bizkaiko Batzar Nagusietako lehendakariak

Legegintzaldia	Lehendakaria	Alderdia
I. (1979-1983)	?
II. (1983-1987)	?
III. (1987-1991)	Antxon Aurre Elorrieta	EAJ
IV. (1991-1995)	Antxon Aurre Elorrieta	EAJ
V. (1995-1999)	Aitor Esteban Bravo	EAJ
VI. (1999-2003)	Aitor Esteban Bravo	EAJ
VII. (2003-2007)	Ana Madariaga Ugarte	EAJ
VIII. (2007-)	Ana Madariaga Ugarte	EAJ

Aurreko emaitzak

2007-2011 legegintzaldia

• EAJ: 23 batzarkide
• PSE-EE: 14 batzarkide
• PP: 8 batzarkide
• EB-B: 2 batzarkide
• EAE-ANV: 1 batzarkide
• EA: 1 batzarkide
• Aralar - 1 batzarkide
• Alternatiba - 1 batzarkide

2003-2007 legegintzaldia

• EAJ-EA: 27 batzarkide
• PSE-EE: 11 batzarkide
• PP: 10 batzarkide
• EB-B: 3 batzarkide

Ezker Abertzaleak babestutako hautes zerrenda (Autodeterminaziorako Bilgunea), legez kanporatu zuten.

1999-2003 legegintzaldia

• EAJ-EA: 21 batzarkide
• PSE-EE: 10 batzarkide
• PP: 10 batzarkide
• EH: 9 batzarkide
• EB-B: batzarkide 1

1995-1999 legegintzaldia

• EAJ: 20 batzarkide
• PSE-EE: 10 batzarkide
• PP: 9 batzarkide
• HB: 5 batzarkide
• EB: 4 batzarkide
• EHE: 2 batzarkide
• EA: batzarkide 1

1991-1995 legegintzaldia

• EAJ: 21 batzarkide
• PSE: 12 batzarkide
• HB: 8 batzarkide
• PP: 4 batzarkide
• EA: 4 batzarkide
• EE: 2 batzarkide

1987-1991 legegintzaldia

• EAJ: 16 batzarkide
• PSE: 12 batzarkide
• HB: 10 batzarkide
• EA: 7 batzarkide
• EE: 4 batzarkide
• AP: batzarkide 1
• CDS: batzarkide 1

1983-1987 legegintzaldia

• EAJ: 26 batzarkide
• PSE: 13 batzarkide
• HB: 6 batzarkide
• AP-PDP-UL: 4 batzarkide
• EE: 2 batzarkide

1979-1983 legegintzaldia

• EAJ: 40 batzarkide
• HB: 19 batzarkide
• PSE: 14 batzarkide
• UCD: 10 batzarkide
• EE: 4 batzarkide
• EPK: 3 batzarkide

Ikus, gainera

• Gernikako Batzarretxea
• Gernikako Arbola
• Bizkaiko Foru Aldundia
• Arabako Batzar Nagusiak
• Gipuzkoako Batzar Nagusiak

Kanpo loturak

• (Euskaraz)(Gaztelaniaz)(Ingelesez)Bizkaiko Batzar Nagusietako webgunea