Blanka Nafarroakoa (1333-1398)

Wikipedia(e)tik
Hona jo: nabigazioa, Bilatu
Blanka Nafarroakoa
Blanka Nafarroakoa (1333-1398)

Hilarria


1350 – 1350
Norekin Filipe VI.a Frantziakoa

Jaiotza 1331
Nafarroako Erresuma
Heriotza 1398ko urriaren 5a
Frantzia

Blanka Nafarroakoa edo Blanka Évreuxkoa (13311398ko urriaren 5a) Filipe III.a Nafarroakoa eta Joana II.a Nafarroakoa erreginaren alaba izan zen, beraz, Nafarroako infanta. Filipe VI.a Frantziakoa ezkondu zenean Frantziako erregina ezkontide bilakatu zen.

Biografia[aldatu | aldatu iturburu kodea]

Filipe III.a Nafarroakoa eta Joana II.a Nafarroakoa Nafarroako errege-erreginen alaba, amaren partetik Luis I.a Nafarroakoa eta Margarita Borgoinakoa eta aitaren partetik Luis I.a Evreuxkoa eta Margarita Artoiskoa zituen aitona-amonak. Karlos II.a Nafarroakoa neba zuen.

1350eko urtarrilaren 11ean Filipe VI.a Frantziakoaren bigarren emazte bilakatu zen, Joana Borgoinakoa Izurri Beltzak hil ondoren. Blanka orduko printzesarik ederrentzat hartzen zuten, izan ere, "Jakintsu Ederra" zuen ezizena. Tamalez ezkontza ez zuen luzaro iraun, erregea sei hilabete barru hil zelako (amodiozko nekeaz zurrumurruen arabera). Alaba bakarra izan zuten: Joana izenekoa (13511371). Honek Joanes I.a Aragoikoa ezkontzekotan izan zen, baina Aragoierako bidaian hil zen.

Blanka Neaufles-Saint-Martinera bizitzera joan zen eta, Alfontso XI.a Gaztelakoak proposatu arren ez zen berriro ezkondu. Proposamenari uko egiteko "Frantziako erreginek berriro ez zutela ezkondu" esan omen zuen. Gortea gutxitan bisitatu bazuen Joanes II.a Frantziakoaren babesa izan zuen. Neba eta Frantziako erregearen arteko harreman onak izan zitezen saiatu zuen.

Batzuek alkimiaren zalea izan zela eta bere gaztelu batzuetan laborategiak zituela diote, baita Nikolas Flamel alkimista babestu zuela. Konspirazio teoriek, tartean "The Holy Blood and the Holy Grail" liburuarena, Siongo Prioretzaren zazpigarren Maisu Nagusia zela diote.

1398ko urriaren 5ean hil eta Saint-Denis basilikan lurperatu zuten.


Aurrekoa
Joana Borgoinakoa
COA french queen Blanche de Navarre.svg
Frantziako erregina ezkontidea

1350
Ondorengoa
Joana I.a Auverniakoa
Commonsen badira fitxategi gehiago, gai hau dutenak: Blanka Nafarroakoa (1333-1398) Aldatu lotura Wikidatan