Bodu Bala Sena
| Bodu Bala Sena බොදු බල සේනා | |
|---|---|
| Fitxategi:Bodu Bala Sena-Logo.png | |
| Egoitza | Sri Sambuddha Jayanthi Mandira Kolonbo, Sri Lanka |
| Koordenatuak | 6°53′45.90″N 79°51′36.20″E / 6.8960833°N 79.8600556°E |
| Idazkari Nagusia | Galagoda Aththe Gnanasara thero |
| Mota | Antolakunde politiko monastikoa |
| Ideologia politikoa | Sinhalar nazionalismoa |
| Erlijioa | Budismoa |
| Webgunea | bodubalasena.com |
Bodu Bala Sena antolakunde politiko monastikoa da. 2012an sortu zen Kolonbon. Ideologikoki sinhalar nazionalistak dira eta erlijioaren aldetik, budistak.
Muturreko sinhalar budisten, tamil hinduen eta musulmanen arteko harremanak
Tamil hinduak bezala muturreko sinhalar budista hauek jomugan dituzte musulmanak. Erakunde honen partetik bazterkeria jasan dute musulmanek eta baita indarkeria ere 2014ko ekainean, esaterako. Musulmanak biztanleen %9 inguru dira, eta hainbat iturrik tamiltzat dituzte, tamila baitute haien ama hizkuntza. Beste iturri batzuek diote, ordea, VIII. eta XV. mende artean uhartera iritsitako arabiarren ondorengoak direla.
Muturreko sinhalar budisten indarkeria
2014ko ekainean muturreko talde budistek haien aurkako oldarraldi kanpaina hasi zuten. Hego-ekialdeko kostaldeko Aluthgama herrian musulmanen etxeak erre zituzten, eta lau lagun hil. Bodu Bala Sena (BBS) muturreko talde budistaren buruak, Galagodaatte Gnanasara monjeak, emandako hitzaldiaren ondotik hasi zuten oldarraldia[1].
Armada bidali zuten herrira, eta etxean geratzeko agindua ezarri. Halere, ez zeuden lasai hango musulmanak, uste baitzuten gobernuak muturreko talde horiek babesten zituela.
Erreferentziak
- ↑ «Bodu Bala Sena, muturreko monjeen azorria», Berria, 2014-07-25