Bogdan Wenta

Bogdan Wenta
	; Irudi gehiago
; Europarlamentaria	; 2014ko uztailaren 1a - 2018ko azaroaren 13a - Bogusław Sonik → ; Barrutia: Lesser Poland and Świętokrzyskie (en) ; Hautetsia: 2014ko Europako Parlamenturako hauteskundeak
; Europarlamentaria
Bizitza
Jaiotza	Szpęgawsk, 1961eko azaroaren 19a (62 urte)
Herrialdea	Polonia ; Alemania
Hezkuntza
Hizkuntzak	poloniera; alemana
Jarduerak
Jarduerak	politikaria, eskubaloi entrenatzailea eta eskubaloi jokalaria
Ibilbidea
	Parte-hartzailea 2000ko Udako Olinpiar Jokoak ;
Posizio edo espezialitatea	alboko erasotzailea
Altuera	195 zentimetro
Lantokia(k)	Estrasburgo eta Brusela
Jasotako sariak	ikusi Kalos Kagathos ; Knight of the Order of Polonia Restituta ;
Sinesmenak eta ideologia
Alderdi politikoa	Plataforma Zibikoa

Bogdan Brunon Wenta (Szpęgawsk, Polonia, 1961eko azaroak 19) poloniar eskubaloi jokalari ohi bat da. 2004 eta 2007 artean Poloniako Eskubaloi selekzio nazionalaren entrenatzailea izan zen. Poloniar eskubaloiaren historiako jokalaririk hoberenetako bat da, era berean, 1980ko hamarkadako azken urteetan eta 1990eko hamarkadako lehen urteetan munduko jokalaririk hoberenetakotzat ere hartu izan zelarik.

Klubetako karrera[aldatu | aldatu iturburu kodea]

1978-1989: Wybrzeze Gdansk Polonia
1989-1992: Bidasoa Kirol Kluba Euskadi
1992-1995: FC Barcelona Katalunia
1995-1998: TuS Nettelstedt-Lübbecke Alemania
1998-2000: SG Flensburg Handewitt

Bere Poloniako kirol karrera guztia Wybrzeże Gdańsk taldean eman zuen, talde honen lehen taldean 1978an jokatzen hasi zelarik, 17 urte baino ez zituenean. Bost aldiz izan zen Poloniako txapeldun, 1984 eta 1988 artean, eta bi aldiz jokatu zuen Europako Eskubaloi Kopako finala, 1986an, RK Metaloplastika Šabac taldearen aurka galduz, eta 1987an, beste horrenbeste eginez Ska Minsk taldearen aurka. 1989an Espainiara joan zen, 1989tik 1992rarte Bidasoan eta 1992tik 1995erarte FC Barcelonan jokatuz. Azkenik, Alemaniara joan zen, eta han, 1995etik 1998 arte TuS Nettelstedt-Lübbecke taldean eta 1998 eta 2000 artean SG Flensburg-Handewitt taldean jokatuz.

Selekzio nazionaletako karrera[aldatu | aldatu iturburu kodea]

Poloniako selekzioa[aldatu | aldatu iturburu kodea]

1981-1993 Polonia Poloniako Eskubaloi selekzio nazionala

Wentak 1981ean debutatu zuen Poloniako selekzio nagusiarekin, 20 urte zituenean. Poloniarekin 185 partida ofizial jokatu zituen. 1994ko Gizonezkoen Europako Eskubaloi txapelketarako sailkapen partidetan Poloniako selekzioa kanporatua geratu izanaren errua bota zioten. Horren ondorioz, sekula gehiago ez zuten deitu Poloniako selekzioarekin jokatzeko.

Alemaniako selekzioa[aldatu | aldatu iturburu kodea]

1997-2000 Alemania Alemaniako Eskubaloi selekzio nazionala

1996an Bogdan Wentak alemaniar nazionalitatea onartu zuen, bere jaiotza herrialdea zen Polonian eztabaida sortu zuena. Ondorioz, sekula gehiago ez zuen jokatu Poloniar selekzioarekin. Alemaniarekin 46 partida ofizial jokatu zituen Munduko Txapelketa (1997ko Gizonezkoen Munduko Eskubaloi txapelketa eta 1999ko Gizonezkoen Munduko Eskubaloi txapelketa), Europako Txapelketa (1998ko Gizonezkoen Europako Eskubaloi txapelketa eta 2000ko Gizonezkoen Europako Eskubaloi txapelketa) eta 2000ko Sydneyko Olinpiar Jokoen artean.

Karrera entrenatzaile bezala[aldatu | aldatu iturburu kodea]

Klubetan[aldatu | aldatu iturburu kodea]

2000n erretiratu zen, eta SG Flensburg-Handewitt taldean bigarren entrenatzaile izan zen. 2006ko udatik 2007ko udazkeneraino SC Magdeburg alemaniar eskubaloi taldearen entrenatzaile nagusia izan zen. Gaur egun Vive Targi Kielce poloniar eskubaloi taldeko entrenatzailea da

Selekzio nazionaletan[aldatu | aldatu iturburu kodea]

2004ko urriak 28tik Poloniako eskubaloi selekzioaren entrenatzailea izan zen. 2007ko Gizonezkoen Munduko Eskubaloi txapelketan, Alemanian, Wentaren taldea txapelketako errebelazioa izan zen, zilarrezko domina irabaziz, etxeko selekzioaren aurka 25:29 galduz.

Poloniako selekzioak bosgarren postuan amaitu zuen 2008ko Beijingo Udako Olinpiar Jokoetan Errusiako Eskubaloi selekzio nazionala 29:28 garaitu ondoren.

Poloniako selekzioak brontzezko domina lortu zuen Kroazian ospatu zen 2009ko Gizonezkoen Munduko Eskubaloi txapelketan Danimarkako Eskubaloi selekzio nazionala 31:23 garaitu ondoren.